عنوان الموضوع : ××||| فاتنہ، ناعمـہ و فيني هدوء،،آآفضلْ مٌنتجــاتْ المِكيــاـاـاجْ...(4)×× لشعر جذاب
مقدم من طرف منتديات الضمير العربي

آلسَلآمـ عَليمـ ؤرحمَة آللهـَ ؤبرآته . . ~*

رابــط الموضوع السـابق,,

https://forum.uaewomen.net/showthread...073&highlight=


الجزء الرابع او الخطوة من موضوعــي بتكون عن الفاونديشن اليومي..

مثلي مثل غيري .. واايد جربت انواع من الفاونديشنات لين ما لقيت اللي والمني الحمدلله واللي ارتحت عليه..
..للعلم حبايبي هاذي المنتجات والمتني بس يمكن ما توالم الغير ..
في معلومة حبيت اضيفها .. اكيد الكل يعرفها..
بس ك إضافـة..وقت ما اسير المحل .. كيف اختار الفاونديشن..
اول شي اخذه اغمج بدرجة وحدة او 2 بالكثير عن لون بشرتي عسب يكون طبيعي عالويـه..
اكره اني اخذه بدرجات افتح .. مب شي><..
ودايما اختاره بقاعدة صفراء...ماحب الفاونديشنات اللي تكون قاعدتها ورديـة,,
ووقت الاختيار اجرب اللون على معصم يدي من داخل.. هالمنطقة لونها اقرب شي للون بشرة الويــه..



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


فاونديشــن لانكوم..
Lancome Teint Mircale Foundation..



احلى فاونديشن استخدمته ,, خفيف عالبشرة و تغطيته من خفيفة لميديم..
فيه نسبة من الماي من غير يحتوي على ذرات اضاءة..
احب استخدمه بشكل يومي ,, الحمدلله ..
وخاصة احب استخدمه في اوقات الحر.. بارد عالويه ويتم فترة بدون ما يتكتل..
وفيه نسبة واقي شمس 15
لو اقيمـه اعطيه 10 على 10...^^...
مشكلته انه درجاته محدودة يمكن 8 او 10 درجات بس ...
وسعره 200 درهم..


فاونديشن ميكب فور ايفر اتش دي..
Makeup for ever HD..



فاونديشن غني عن التعريف.. من احلى الفاونديشنات ..
اخذه للمرة الثانـية..
معروف عالميا باسم فاونديشن الفوتوشوب
تغطيته من ميديم ل فل ..
ماحب استخدمه يوميا.. احب استخدمه اكثر شي اذا مناسبـة او اذا بكون برع البيت لفترة طويلـة,,
يضمن لي التغطيـة,,
في منه اكثر من 25 درجـة ,, يعني الوحدة ما تحتار باختيار الدرجة المناسبـة لها..
سعره 160 درهم..
الاحلى في ميكب فور ايفر انها الماركة الوحيدة اللي للحين ما زادوا اسعارهـم شرات ماك وديور وشانيـل..


__________________________________________________ __________

>>>> الرد الثاني :

فاونديشن ماكس فاكتور ميركل تاتش..
Max Factor Mircale Touch..



فاونديشن كنت قبل ما استغنى عنه بالمرة,, تغطيته حلووة و ميديم,,
كنت بجد مدمنه عليه قبل لا اخذ مال لانكوم,, لكن من عقب مال لانكوم وقفتـه,,
مشكلته الوحيدة انه عقب فترة بسيطة يتكتل عالويـه و خاصة وقت الحر..
ودرجاته محدودة وايد ..
سعره ب 72 درهـم..


الشي الاخير .. اقدر اقول عنه فاونديشـن,,
هو كريم الترطيب الملون,,
ديور هيدرا لايف
Dior Hydra Life Skin Teint



كريم ترطيب ملون خفيف عالبشرة.. يحتوي على نسبة عالية من الماي..
تغطيته ميديم.. يغني عن الفاونديشـن .. بس الكريم وضربات من البودرة,,,
فيه نسبة من واقي الشمـس,,
وللاسف منه بس درجتين,, رقم 1 للبشرة الفاتحـة و رقم 2 للبشرة الغامجـة..
سعره 220 درهـم..


__________________________________________________ __________

>>>> الرد الثالث :


اضافـة.. للفاونديشـن استخدم الفرشـاة عسب اوزعـه..
احط بخة او بختين على ايدي ..و منها اوزعـه على كامل الويـه اول على شكل نقاط وعقبها ابدا اوزعـه بالكامـل..
قبل كنت استخدم فرشاة الفاونديشن من مكياجي.. ب 99 درهـم.. حلوة لكنها توزيعها مب لين اهناك




وعقبها غيرت وارتحت على هالتغيير .. بديت استخدم الفرش الدائرية اللي اتيج مسطـحة من فوق,,
مثل الفرشاة رقم 187 من مـاك..
اللي فالصورة نفس الفرشاة بس من كوليكشن الهلوكيتي..
ممتازة فالتوزيـع,, وخاصة انه التوزيـع الدائري يساعد على تنشيط الدورة الدمويـة ..




وفي مثلها من ميكب فور ايفر N55..
حلووة لكن مب نفس مستوى فرشاة مــاك..
وسعرها بحدود ال 150 درهم..




جذه اكون خلصــت..^^,, واتريوني باذن الله بموضوع البودرة..
دمتــم بحفظ الرحمــــن..

__________________________________________________ __________

>>>> الرد الرابع :
الموووضوع وااايد حلوو
ونتريا اشياء يديده قريبا

__________________________________________________ __________

>>>> الرد الخامس :
ثآآنكس حبيبتي
ووآآيد نايس وايد عيبني مال ديور
كنت باخذه بس تعايزت
المره اليايه =)