السلام عليكم يا بنات
اليوم حبيت اسوي لوك أزرق سموكي على سوزي
اللوك مستوحاه من بنجمنت ماك بلو براوين من أفضل منتجات ماك المفضلة عندي لونه بني بانعكاس ازرق تركواز وايد حلو جيكوه شي منه لون شبيه من بريستيج سويت ريفيو عنه
وهني صورة الاثنين بنجمنت ماك واي شادو برستيج
هذا السواتش يوضح ألوانهم تلاحظون ألوانهم بينية عادية لكن الحلو فيهم انه لما يعكسون الضوء يعكسونه لج لون ازرق رهيب
هنا انعكاس اللون الازرق الي يعكسونه هالثلاث اي شادوات
من غير فلاش
قوة انعكاس اللون الازرق في برتيج اقوى شي وكثافة اللون في برستيج اقوى من ماك club او من البينجمنت ولكن اي شادو ماك كلاب انعم على العين لانه حبيباته اصغر .. برستيج بالضبط مثل كواليتي البينجمنت حبيباته عوده وقوة لونه اكثف واقوى وااااايد من الاي شادو
لمزيد من التفاصيل تفضلي على هالموضوع
https://forum.uaewomen.net/showthread...209&highlight=
انزين نبدا بخطوات اللوك
(سامحوني ما رمت اصور الخطوات خطوة بخطوة بس راح اذكرها الحين)
1- تحطين اي شادو بيس أنا استخدمت على سوزي ان واي اكس ممكن تستخدمين ان واي اكس جامبو بنسل بس مول ما نفع سوزي لانها بلاستيك طبعا فالاي شادو بيس الي في علبة صغيرة واايد احسن
هني انا مسوية ريفيو عن ماركة ان واي اكس الي حاب يدخل ويستفيد
https://forum.uaewomen.net/showthread...194&highlight=
2- عقب حطيت اي شادو ازرق من ماك مينيريلايز اي شادو سكاي اند سي
هذي صورته ياخي رهيب هذا المنتج وايد انصح به
3-وبعدها على الاطراف حطين بنجمنت ماك بلو براون أكيد ودمجت اللونين
4- تحطين هاي لايت تحت الحاجب على حسب لون بشرتج هني حطيت فانيلا من ماك
5- تكملين مكياج الوجه ومكياج الشفاه على حسب ذوقج وبشرتج هني حبيت لون البلاشر والشفايف يكون خفيف لانه كثرت بمكياج العين
وهذا اللوك النهائي
رحبوا معاي بصديقتنا سوزي ^_^
هني رسمة العين واضحة
وهني الصورة الي حطيتها بحساب الانستغرام مالي احط فيه كل ما يهم المرأة من مكياج تجميل وأكيد كل ما هو لذيذ من مختلف الوجبات والأصناف (طبعا أكيد كل ما يهمنا احنا الحريم الجمال والأكل بالمختصر يعني ^_^)
وخلصنا
المشاركة الأصلية كتبت بواسطة مركز حياة ستايل للتجميل
رد مع اقتباس
