السلام عليكم يا بنات
اليوم رجعنالكم بماركة اكيد معظمكم سمعتوا عنها وجربتوها الي هي كوستال سينتس coastal scents
هاي صورة لعينة من الاشياء الي عندي منهم
وهني الباليتات مفتوحة
بالنسبة لكوستال سينتس مشهور في الاي شادوات والاخص باليتات الاي شادوات ام 88 لون
وموجود عنها ريفيوات وايد عاليوتيوب
هالماركة صناعه صينية ولكن مقر الموقع في امريكا ومن هناك توصلج الطلبيه فتحسبين الشحن من امريكا
الي عندي من هالماركة معظم الباليتات الاي شادو والبودر والبلاشر والهوت بوتس الي هي الاي شادو الحبات المدور
نبدا اول شي بالبلتى ام 88 لون فيه منها انواع المات والشيمير ومقسمين على حسب الالوان شي الالوان الدافية واسمها warm 88 pallette وهاي صورتها
وشي الشيمر shimmer 88 pallette والمات matte 88 pallette عندي بس ما صورتهم
وهناك بلتة الكونسير موجوده بالصورة الجماعية وكونسييلر الاربع الوان في علبه دائرية بعد موجوده صورته
واحسن بلته عيبتني اسمها shimmer palette and blusher/42 double stack palette
الي هي بلتى طابقين الي فوق 42 لون اي شادو كلهم شمر والي تحت 12 لون اظن او 10 الوان بلاشر
نبدا الريفيو ببلتات ال88 لون
قوة اللون : قوي إلى قوي جدا على حسب اللون شي الوان قوية جدا (بالذات الغامجه) وشي منهم قوي
ثبات اللون : ثابت
تنوع الالوان : متنوع جددددددا
سهولة الوضع : الشيمير سهل جدا وناااعم لكن المات سهل نوعا ما غير انه يتذرذر عند الوضع مدري حسيته شوي طبشيري لكن اللون حلو وسهل بالدمج وكل شي بس عيبه انه يتذرذر شوي بس المات الشيمير اوك
سهولة الدمج: سهل
بشتريه مرة ثانية نعم
هني صورة السواتش على ورقة كل لون تحته السواتش ماله
ننتقل للكونسيلر
بالمختصر هذا احسن كونسيلر جربته لحد الان راي فيه انه احسن عن كل الطونسيلرات الي عندي وجربتهم وهم ماك ولوريال وايف سات لوران وايلف وماكس فاكتور وبن ناي وكريولان
نوعه: مخملي (ابدا مب كريمي ولا ستيكي وهالشي روعه لانه يثبت ويندمج بطريقه فظييييييييييعه كانه ناتشورال ولا يسيح لو عرقتي )
تغطيته: شبع تااامه من 90-100%
سهولة وضعه: سهل يندمج مع البشره بسهولة احطه بصبعي بطريقه التربيت على البشره ويندمج مع لون البشره ويغطي عيوبها بطريقه طبيعية وراااائعه
سهوله دمجه: سهل جدددددا
بشتريه مرة ثانية اكييييييييييييييييد انا طلبت الثلاث درجات الكونسيلر المدور الي فيه اربع درجات وخذت البلته الي جامعين فيها كل الالوان ما جربت البلته بس اتمنى انها تكون مثل الويل الي اسنخدمه تقريبا كل يوم ودااااايما وصرت ما استغنى عنه
هل يتعب البشره او يحببها : لا (هالشي انا لاحظته مع TV stick foundation , Ben Nye concelar استخدمته مرتين او 3 مرات وعلى طول حبب ويهي مع انه بشرته دهنية لانه سدد لي مسام ويهي مع اني ازيله بمزيل المكياج لوريال وعقب اغسله بغسول جونسن وبعد ما خاز ) من جيه حبيت هالكونسيلر
تنوع الدرجات : متنوعه جدا وتناسب الفاتحه جدا والغامجة جدا
واخير الهوت بوتس والفراشي
الفراشي
الفراشي شي منهم كوليكشنات وانواع انا خذت الكوليكشن اليديد والي الى الان اكثر واحد الكواليتي اوك ويمدحونه لانه الفراشي الجديمة تعبانه وايد وما تنفع فانتبهي تاخذينهم
نوعها: موجود الصناعي (سينثيتك ) والشعر الطبيعي (ناتشورال)
جودتها: متوسطه الى عاليه
ثبات الشعر بالفرشاه ( يعني يطيح مع الاستخدام او لا ) : ولا شعره طاحت لحد الان
نعومة الشعر: متوسط
سهولة الاستخدام : متوسط ( حسيت الفراشي الي عندي اسهل وايد بالاستخدام وتدمج الوان الشادو بطريقه احسن عن هالفراشي)
تنوعهم: متنوع جدا
باخذهم مرة ثانية : امممممم بعض الفراشي نعم والبعض لا شي احسن عنهم وبنفس الشعر مثل سيجما وفورايفر 52 وبن ناي
اما الهوت بوتس هذي كوليشنات الهوت بوتس مالي (الهوت بوتس hot pots عباره عن الوان اي شادو مفصولة تختارين كل لون بروحه تحطينه بروحج في البلته ) انا خذت جميع الالوان وقسمتهم في البلتات على حسب اللون مثل بلته بلون الاحمر وبلته الازرق والاخضر وهكذا
وهاي صورة لوحده من البالتات وهي بلتة اللون الاخضر
طبعا انا حاطه ستيكر على كل بلته من برا وبالنسبة للاي شادو فمثبتنه بقطعه مغناطيس الصقها على البلته واحط اللون فوقها يثبتها
وهني سواتش لبعض الالوان شي مات وشي شيمير
قوة اللون : قوي الى متوسط على حسب الالوان المات والالوان الفاتحه حسيتها متوسطه القوة يعني اللون يصبغ لكن متوسط والغامجين والشيمير روعه وقوية جدا
سهولة الوضع: سهل
سهولة الدمج : سهل
ثبات اللون : ثابت
نوعية الشادو : مات وشيمير وساتن
نعومته: ناااعم والمات في هالكوليكشن احسن عن المات الي في البلته الي يتذرذر هذولي ما يتذرذرون ناعمين وحلوين بالاستخدام
بشتريهم مرة ثانية : امممممم للحين ما جربت كل الالوان لكن اعتقد انه وجودهم في كولكشن المكياج مالج مهم لانه رخاااص جدا ويوفرون لج جميع الالوان لانه ماك الالوان الي يظلعونه محدوده فما تحصلين كل تدرجات الالوان عندهم فتحتاجين شي رخيص تشترين كل تدرجات الالوان وتخلينهم وياج وقت ما تحتاجينهم وبكواليتي ممتاز الى جيد جدا
اللون الواحد يكلف بحدود الدولار والنص يعني 8 دراهم عندنا في حين ماك يكلف 66 درهم للون الواحد
حجم الهوت بوتس بالضبط حجم شادو ماك يعني تقدرين تشترين بلته من كوستال سينتس ب 5 دولارات وتعبينهم بالوان ماك لانها ممغنطه وبنفس حجم اي شادوات ماك (بلته ماك الفاضية تكلف في حدود ال14 او 18 دولار مب متاكده )
الي ما عيبني بالبلته مال كوستال سينتس
1- تشيل 12 لون فقط
2- فيها جامه وبالتالي ثقيله البلته مب مثل بلته ماك اخف (هالشي مهم لما تبين تشلينها وياج بالجنطه او بالشحن لانج بتدفعين زياده على شحنها لوزنها )
3- علبه الشادو pan معدنية وتلصق عالمغناطيس في كوستال سينتس ملصقين مغناطيس دائري صغير تحت كل فتحه وتحطين اللون عليه عكس ماك .. ماك اللون ملصق تحت مغناطيس تحطينه على صفيحه معدنية ملصقه في قاع البلته عشان جيه تلاحظون اني شليت القطعه البلاسيكية الي فيها الدواير ولصقت تحت ستيكر مغناطيسي وحطيت عليه الشادو
تقريبا هذا كل الي عندي
هيه الي يبا يعرف من وين تشترونها عن طريق موقعهم الالكتروني
دوروه في قوقل ما اقدر احط لينكات هني
الطلب سهل والشحن بيكلف على حسب الوزن انا كلفني بحدود الاربعين دولار لاني كنت مشترية بلتات فاضية احط بها الهوت بوتس وكانوا ثجال بسبب الجامه الي ما منها فايده
وتوصلج خلال اسبوعين او اكثر او اقل على حسب طريقة الشحن الي اخترتيها عن طريق الامبوست للبريد تسيرين تستلمينها
وخلصنا الجزء الثالث
دعواتكم لي بالتوفيق ^_^
اي استفسار او سؤال حاضرة والي جربت الماركة او شي منها تشاركنا رايها
هذا رايي من استخدامي لكوستال سينتس
رد مع اقتباس
