عنوان الموضوع : ليالي العرس كم لازم تكون ؟ لتكوني انيقة
مقدم من طرف منتديات الضمير العربي



السلام عليكم ورحمة الله وبركاته

بنات عندي موضوع للنقاش وحابه أشوف رايكم فيه ؟

لاحظت ظاهره منتشره بين " بعض العوايل " في لبلاد وحبيت أعرف شو رايكم فيها ؟

لاحظت في الفتره الأخيره إنه كثير من العوايل صاروا يحتفلون بالعرس في أكثر من ليله ..
يعني يبدونها بليلة حمام العروس ويخصصونه حق أهل العروس خالاتها وعماتها وبناتهن ويبون خبيرات تنظيف بشره ومادري شو ويلسن يسون خلطات للبشره والجسم ويحتفلن بها نفس ليلة الحنا بأناشيد أو أغاني

وثاني يوم يسوون يوم الحنا وهو اليوم إلي تتحنا فيه العروس وأهلها وأهل المعرس ويسون كوشة حنا وحفله ومادري شو بس مايعزمون حد يعني أهليه بينهم

وثالث يوم يسوون ليلة الحنا الرسميه وهي الليله إلي يعزمون فيها الناس ويحتفلون فيها بحنا العروس ونفس الشي كوشه غير وفستان غير وزفة حنا ومادري شو

ورابع يوم حفله بسيطه يزفون بعدها الباقي من زهبة العروس حق بيت ريلها وصح مايسوون كوشه وفستان بس يسوون عشا ومادري شو

وخامس يوم أو سادس يوم عند البعض يحتفلون بالعرس نفسه

وهذا غير حفلة الملجه إللي يسوونها قبل العرس بكم شهر وإللي مصاريفها نفس مصاريف حفلة العرس بالضبط عند البعض

وألحين صاروا بعض العوايل يحتفلون بالخطوبه بنفس الطريقه وكأنها عرس أو ملجه‏ أو حنا كوشه وفستان وغيره

صح هالشي كان موجود من زمان جدودنا ماننكر هالكلام ونعرف إنه أجدادنا كانوا يحتفلون بالعرس مدة أسبوع وأكثر

بس لو قارنا بين زمن أجدادنا وزمنا بنلاحظ إنه كل شي تغير الحياه تغيرت والمعيشه قبل عزيمة عشا حق كل الفريج وفالبيت
بس ألحين غير مصاريف العرس تغيرت يعني ديون تكسر ظهر المعرس

ليش مايكون العرس بسيط ومرتب ليله وحده وخلاص شو بنخسر لو طبقنا هالشي


أنا ما ألوم البنات لأني سألت
أكثر من وحده وكان ردهم تقريبآ متشابه إنه لو يت عليهم هم وأزواجهم ليله وحده تكفي وهم متفاهمين بس شو بيسون في الأهل العروس تبا ترضي أهلها والمعرس يبا يرضي أهله والأهل همهم نظرة الناس وبس


سبحان الله بعض الأهل مايفكرون إلا في راي الناس وفي مظاهرهم وبس انزين ارحموا عيالكم

أوكي عوايل كبيره وعيال ناس وتبون تفرحون بس بعد مايصير هالشي لأنه يتعب حتا عيالكم

وألا شو رايكم

..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فوووووووووووق

__________________________________________________ __________

>>>> الرد الثاني :
عين الصوووواااب ماشاءالله عليج انا أأيدج فكل كلمة قلتيها
الله يهدي اليميع و الله المستعان

__________________________________________________ __________

>>>> الرد الثالث :
[

قلتيها بنفسج بشاير الجودي لو يت علينا نحن كان يسدنا عشا فالبيت وبس لكن الأهل وخوفهم من الفضيحه عند قوم فلان وقوم علان ورمسة الفلانين والعلانيين ونحن نضيع فالطوشه صح نفرح لفرحهم بس نتعب وايد بعد

يعني رضاهم ورضا الناس غايه لاتدرك ونتيجته تفكير وتعب وهد حيل بالنسبه لنا مايعرفونه هم ولا بيحسون فيه لأنه زمنهم غير وزمنا غير
هم يبون يفرحون لنا ويسون ويسون وبعد عسب خايفين من رمسة الناس وهالسوالف لي بالنسبه لي ماتهم بس مجبورين مانبا نسوي مشاكل وصيحه قبل العرس وماتخلص بعده فنرضح لرغباتهم ونسوي لي يبونه

وآخرتها مانتعب إلا نحن البنات لي مفروض نكون عرايس ونيلس نعاني من صداع وتعب وهم وتفكير قبل العرس فستان العرس والملجه والحنا وميكب وتساريح وزفات ووووو

والمصيبه لو كان المعرس والعروس مثل ماقلتي يسدهم عشا بسيط بس شو نقول

الله يهديهم أهالينا وياليت لو إيي اليوم لي ينفذون فيه رغباتنا وتسدهم ليله ويزاج الله ألف خير


__________________________________________________ __________

>>>> الرد الرابع :
انا الصراحة عاد اهلي عادي ومايبون يسون حفلات لانهم يخافون من العين ... وانا ابا اسوي حفلة لكل شي .... ابا افرح عمري واستانس انا وربيعاتي ... دام الخير موجود ليش ما افرح عمري كم مرة الوحدة بتعرس .... اذا عندي المقدرة ليش لا ... لو اسبوع بسوي .... واذا ما عندي علي جد الحافك مد ريولك.... اذا عندي ليش اقصر في عمري

__________________________________________________ __________

>>>> الرد الخامس :
عيبتي الجملة ال بالاحمر صدقج لو علينا بس حلم دام انه الاهل يبو هالشي,,

يمكن يمر الزمن وباجر لا تغيرت الضروف الاقتصادية بعدين يكون لكل حادث حديث..