عنوان الموضوع : تقرير عرسي 17/04/2015 جمال و اناقة
مقدم من طرف منتديات الضمير العربي

بسم الله الرحمن الرحيم


ييتكم اليوم بتقرير عن يوم عرسي وان شاء الله يعيبكم

كان يوم الخميس 17 _ 04 نشيت الساعه 8 الصبح تسبحت عدل وتنظفت وعقبها صليت ركعتين حاجه اطلب من الله تيسير اموري ويشرح صدري
لاني كنت وااايد زايغه
وعقبها نزلت عند اهلي وتريقنا انا وخواتي وامي وابوي واخواني وكان يوم مؤثر وايد كل حد يقولي خلاص بتسيرين وهذا اخر يوم لج في بيتج
وبدت الدموع تنزل منا كلنا ودعولي بالتوفيق والسعاده وتمنوا لي الخير ^^
وعقبها سرت غرفتي وجهزت شنطتي الي باخذها وياي للعرس ونفسها بشلها وياي للفندق جهزا فوطتين وحده للجسم ووحده للويه
وحطيت لبسي الي لبسته ليله الدخله وقميصين نوم وحطيت عطري المفضل وكريم للجسم وغسول نسائي وفرشاتي ومعجوني وشنطه صغيره فيها مكياجي
وحطيت وانتوا بكرامه كعب اسود ونعال سطاحي اسود وبوكس اكسسوارات خفيفه وملابس داخليه حق يومين خذت 4 اطقم وشامبو وصابون الجسم

عقب صلاه الظهر صلينا وطلعنا من البيت وسرنا الفندق الماكييره الكويتيه خلود التميمي ومصففه الشعر هند غنيات عن التعريف بدوا اول شي في امي وعقبها خواتي بدوا الساعه 3 الظهر وخلصوا هم الاربع الساعه 7 كانوا ما شاء الله مشطبات كل شي وهالوقت كله انا تغديت وترست بطني وشربت عصاير فرش وطلعت القاعه وخليت الصبابات يحطولي لقيمات وشربت كرك ههههههه قلت اكل من البدايه عسب لا اتوهق عقب
والساعه 7 بديت انا والحمدلله خلود خلتني شرات الاميره والكل بس يشوفني اسمع ما شا ءالله او واو هههههه
انا كنت على وضوء الحمدلله عقب المكياج قبل لا ابدا الشعر دخل علينا صلاة العشا وصليت الحمدلله وعقبها كملت الباقي عالساعه 9ونص انا مخلصه كل شي وكنت حدي خايفه ومرتبكه واتنافض وامي تهدي فيني ويلست اقرا الاذكار واقرا ايه الكرسي والمعوذات وتميت عالاستغفار
وفجاه يتني عصبيه مب طبيعيه اقول حق خالتي وامي انا بمشي بس ما ابغي الف لا يمين ولا يسار خخخخخخ الخوف ومايسوي الساعه 10 ونص طلعت
والحمدلله اموري كانت طيبه بس وانا امشي يتني حميتي تقولي باين عليج الخوف هدي هدي ارتحت يوم رمستني وتميت ماشيه وكل همي متى اوصل فوق
وايلس ههههههه حسيت الكوشه بعيييييييييييييده بس الحمدلله اعصابي كانت مسترخيه عالاخر ووصلت فوق وشفت الكل واستانست عليهم ربيعاتي واهلي واهل ريلي وتصورنا وعقب دخلي بعلي العزيز وبديت اتنافض من يديد هههههههههههه وكنت لابسه الغطا الي شرات ليله والذيب وبدال مايبون راسي باس عيني هههههههه تخيلوا ههههههه ويتني ضحكه هالوقت

مشت الامور على خير الحمدلله وبتنا اول ليله في فندق قصر عجمان وثاني يوم سرنا الفجيره الميريديان واليوم الثالث تاريخ 19 طرنا ( لندن ) ورديت تاريخ 7 خمسه والحمدلله كانت ايام حلوة


اخليكم مع الصور ^_^ ( ما شاء الله )












الصور مب هاك الزود لاني لقطتها من عند خواتي هههههه وبس اييب الالبوم ان شاء الله بحطلكم شي واضح واحلى ^^

عرايسنا لاتخافون وخلكم كووول وريلاكس وحاولوا تستانسون في كل لحظه لانها صدق احلى ايام العمر

الله يتمم لكم على خير عرايسنا وتكونن احلى عرايس باذن الله ويرزق البنات الزوج الصالح عاجل غير اجل ان شاء الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شاء الله تبارك الرحمن

ربي يسعدج ويوفقج ف حياتج اليديده
ويتمم للبقيه ع خير ويرزق بنات المسلمين
الازواج الصالحين يارب

__________________________________________________ __________

>>>> الرد الثاني :
ماشاء الله الف مبررررررررررررررررررووووووووووووووك

الله يوفقج بحياتج الزوجية و يرزقج الدرية الصالحة

__________________________________________________ __________

>>>> الرد الثالث :
الله يهنيج و يسعدج ..

__________________________________________________ __________

>>>> الرد الرابع :
عيبتني طرحتج ومسكتج ماشالله

__________________________________________________ __________

>>>> الرد الخامس :
ماشاء الله الف مبروك عروسة
والله يسعدج ويهنيج يارب