عنوان الموضوع : أبحكي بصمت..ولاكلمة شعر جميل
مقدم من طرف منتديات الضيافة العربية

لسلام عليكم ورحمت الله وبركاتة

أتمنى من الله ان تنال أعجابكم






أبحكي بصمت..ولاكلمة..ماودي أسمع التشويش
أرد أحسب من اللوعة حساب ولوعة الأيام

غبية كانت أحلامي غبيةماتعرف تعيش
رمتني وسط من يقتل وقالت لي هنا الأحلام

أسير بسرعة وتعاند.. تسير بداخلي بشويش
أسير بسرعة لأجل أحصل على اللي فاتني من عام

كأني كنت مسجونة بصدري والمنايا جيش
كأني كنت معذورة كأني كنت ماأنلام

ولكن وينها روحي؟ ووين إلى يبيني طيش
جفا..مدري..من الآهه يعيش ويحتري الإعدام

أن سألت وكانت أجوبتي مع دموعي تساوي ليش
وليش وليش ياليش تغلغل داخلي بسهام

هي الدنيا كذا ترقى ولاتملك يدينا نيش
وإذا بنوشها تبعد..تطير وتختفي بغيام

وحنا للأسف حنا على يدينا ماينبت ريش
تطير قلوبنا وتبقى مواجعنا مع الأجسام

تدور عيوننا ونعجز ندون لحظة الترميش
تدور عيوننا ونعجز نخبي نظرة الهيام

على يديهم قسا قسوة وتحت عروقهم تلطيش
حناجرهم من البحة تشابة صرخة الأيتام




يتبع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عليهم مثل ماليهم حفاوة مفعمة بتهميش
وليهم مثل مافيهم جسد كله ظما ..وعظام

يكونوا ف السبق صهورة وفجأة يصبحون كديش
يسيدون ويسيسون وبلحظة يرجعوا خدام

بلمحة ينحسب فارس ولحظة ينوصف درويش
على كتفة عصا ..مدري وش الي يردها لحسام

كأني شفت في يديهم جسد ذابل مايبغى عيش
يموت من الأسى ويمضغ بكف اللي يشيل إبهام

كأني شفت فعيونة قصيدة ترفض التطنيش
جريئه..صاخبة,تمشي بوسط عقولنا بأقدام

قصيدة من بدايتها هدوء اللي غبي في ليش
مايفهم وش ابي أكتب يكسر ريشة الأقلام

يعيش وداخلة حمى النفاق وآفة البخشيش
كأنة أعدل وأتقى .. مايعرف سكة الإجرام

قصيدة كرمها واضح ووقفة وزنها تعريش
تنير وتضوي دروب الرحيل إلى بوسط عتام

وتعلن بأن من يسكن جبل يملك جناح وريش
ويصبح طير في صحرا القصيد وعالم الإلهام




وسلامتكم

__________________________________________________ __________

>>>> الرد الثاني :
صح لسانك اختي شذى

__________________________________________________ __________

>>>> الرد الثالث :
صح بدنك
يسلمووووووو على مرورك

__________________________________________________ __________

>>>> الرد الرابع :
مشكوره اختي شذى على الكلمات الرائعه ويعطيك العافيه .......

ننتظر جديدك .....


مع تحيات
عاب سبيل ر

__________________________________________________ __________

>>>> الرد الخامس :
ايش اقول ماخليتوا

مجال واحد يتكلم


لكن بقول يكفى الى هنا


وخلوا الامور تعدى على خير


الله مع الجميع