عنوان الموضوع : رغم الجفا والبعد ياكامل الزين من شعر الخليج
مقدم من طرف منتديات الضيافة العربية
رغم الجفا والبعد ياكامل الزين
لازال حبك داخل القلب موجود
مانيب أنا ناسيك لوكنت ناسين
لو كنت تجزيني بهجران وصدود
صعب على أنساك في غمضة العين
وانسى ليال كلها سهود ومهود
صعب أنا أنسى حبك اللي له اسنين
في وسط قلبي منبتة زهر وورود
ماظن يالغالي ولو كنت جافين
وعندي على قولي براهين وشهود
عين على شانك دموعه ملايين
وقلب عقب فرقاك ملهود ملهود
ضاقت علي دنياي والهم طاوين
وجفيت أنا للنوم والحيل مهدود
تاية بهالدنيا كما طفل مسكين
أمة توفت وأيضا أبوه مفقود
ذي حالتي من عقب فرقاك يازين
كتبتها لك كودك بعطفك تجود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رووعه يا شجوونه كلمات حلوه
صح لسانج خيتو
__________________________________________________ __________
>>>> الرد الثاني :
صح بدنك
والروعة طلتك
__________________________________________________ __________
>>>> الرد الثالث :
صح بدنك
ويسلمك ربي على هالمرور الاروع
وشاكرة لك طلتك
__________________________________________________ __________
>>>> الرد الرابع :
الاخت شجونه يعطيك الف عافيه على القصيده الرائعه ودمتي...
__________________________________________________ __________
>>>> الرد الخامس :
قصيدة رائعة
تدل على ذوك الرفيع في الإنتقاء
شعور جميل و احساس مرهف
تسلمين يا قلبي
رد مع اقتباس
