عنوان الموضوع : مازعلت قصيدة رائعة
مقدم من طرف منتديات الضيافة العربية
لا..لا مازعلت
بس أحبك يوم كنت تعتبرني في حياتك كل شي
حتى ذااااااااك الماي وانت قاتلك الظما
مازعلت
بس أحبك ..قبل أحبك ماعرفت إنه مايهمك
أي شي..!
حتى ذاااك الجريح اللي من روحك ارتوى
لا.. مازعلت
كنت أحسبك مثلي تفهم..
قصدي تعلم بالمحبه
لا.. لا.. يعني تندم..
يوم جيتك وأنا ذابحني الشوق مالقيتك..
وأنتظرتك في حياتي مالقيتك
بس أحبك وما زعلت لين طاحت الدمعه من عيوني
ياعيوني لا تخوني الدمعه لا تخوني..
وياعيونه كيف هانت دمعتي في عيونه؟!..
لا.. لا .. مازعلت
بس أحبك وانزرعت بروح قلبي وانتثرت..
جيت ألمك مالقيت الا جروحي وانهدمت..
ما زعلت بس أحبك
كنت أظنك مثلي تبكي
مثلي تشكي للالم من الندم..
كنت أحسبك خيالي في العدم!
وكنت.. وكنت .. وأوعد راح أكون وأبقى معك رغم كل الظنون..
انت وأنا.. وببقى معك وحتى لو كان اللي يكون..
لا..لا مازعلت
بس انجرحت من كلامك
ياحبيبي لا تهمك دموعي..ارحل وانت مطمن..وتأكد من رجوعي
لا..لا مازعلت
وإن زعلت ببكي ألم يخالطه الندم ويسقيه حزني لين انكتم
خلك معي مهما نكون
خلك معي ..
أصدقاء أغراب أحباب خلك معي
لا تقول: نبتعد عن بعضنا..
لا تقول: نقتل الفرحه في قلبنا..
لا تقول: احنا مانصلح لبعضنا..
ادري تتعذب معي وقلبك مشقيته العيون
وادري إنك تبيني
بس خايف من الألم وخايف مع الوقت نفترق وأنسى قلبك القاسي الحنون..
أوعدك مانفترق وإن وعدتك ماأخون
لان الفراق ماهو فراق الجسد..
ياما ناس تجمعهم بلد..
وما تلتقي قلوبهم وأرواحهم أبد..
أنا معك وان فرقتنا مسافات وبلد..
واللي خلقني ببقى على ذاك الوعد..
ولو أموت مانسيت ذكرى العهد..
قلبي يمك وقلبك معي طول الأمد..
(وأوعدك مانفترق)
وتأكد إني مازعلت..
بس انجرحت..وانقتلت من أقصى الروح الى ادناها وجتني عبره وانخنقت..
ونزلت من عيني دمعه وبكت..
وحيل انقهرت..
وحتى ذي الدمعه ماقوت..
لين ناظرت جروحي وارتوت..
وعقبها الدمعه هدت..
ثم اسكتت..
والأكيد انها اختفت..
وليتها درت..
عن فرحه الحزين لما نزلت..
من عينه وبكت..
كل هذا وربي ما زعلت!!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خيالك
في الحرف خصبا
وهمسك عذبا
ورؤيتك جلية
ألف من عبق الزيزفون
يدثر مقلتيك
تحياتي
__________________________________________________ __________
>>>> الرد الثاني :
أخوي الغالي خيال
بدايه موفقه ومشكور على الخاطره الرائعه
ويعطيك الف عافيه ونحن بانتظار مزيدك
__________________________________________________ __________
>>>> الرد الثالث :
ما زعلت بس أحبك
كنت أظنك مثلي تبكي
مثلي تشكي للالم من الندم..
كنت أحسبك خيالي في العدم!
وكنت.. وكنت .. وأوعد راح أكون وأبقى معك رغم كل الظنون..
انت وأنا.. وببقى معك وحتى لو كان اللي يكون..
خيال الصمت
كم انت مبدع و متألق
رسمت لنا لوحة من الابداع و الجمال
سلمت لنا اناملك المبدعة
اتمنى ان نشاهد جديدك العذب و الرائع قريبا
تقبل فائق تقديري و احترامي
__________________________________________________ __________
>>>> الرد الرابع :
مشكور على الموضوع الر ائع
__________________________________________________ __________
>>>> الرد الخامس :
يسلمووو خيوو ع المووضووع الروعه
رد مع اقتباس
