عنوان الموضوع : الشامخه ...خاااص لشيخــــــة الغيــد قصيدة خليجي
مقدم من طرف منتديات الضيافة العربية
يالشامخه دامي معك لا تخافين
خلي طموحاتك معاية كبيره
اللي يحاول في ازالتك مسكين
ماله سوى قطع السيوف الشطيره
يالشامخه واللي خلقنا من الطين
تبقين لا عروش المحبه أميره
انا وفي معك من أول والحين
والصدق يبقي للنشامه ذخيره
انا الوفي عندي سلوم وقوانين
أموت وأقف مارضيت الكسيره
دامك معي قدرك علي الراس والعين
رغم القلوب الحاقده والحقيره
ذولا عباره فارغه بين قوسين
يالشامخه ذولا خباث السريره
كم شوهو بالظلم ناس كثيرين
وحظوظهم علي الظلايم جديره
الداب سمه مصدره بين نابين
إن دق راسه لين يخمد صفيره
نقرا علي الأشرار ( طه وياسين )
بسم الولي نحشر نفوس شريره
حتي يبين الحق فعل وبراهين
وتدري بها الشعار في كل ديره
يالشامخه بين العرب والبلادين
في كل موقع من بلاد الجزيره
إنتي هزمتي في شموخك ملايين
نجمه مضيئه في سماهن منيره
وإن كانها بالشعر يكفيك بيتين
لاقلتها يلعن عشير عشيره
ماهي غريبه إنك عليهم تشيخين
مادمتي فيما تحتوينه مثيره
دامك حرقتي كرت سيد المزايين
وش عاد لو صرتي عليهم اميره
مع خالص حبي
البرنسيسه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سلمــــــــــــــــت يمناك ..
على ما كتبـــــــــت ..
قصيدة روووووووعـــــــــــة ..
تحياتـــــــ ــــــي ..
__________________________________________________ __________
>>>> الرد الثاني :
يسلمو البرنسيسة
__________________________________________________ __________
>>>> الرد الثالث :
خواتي الغاليات
عبير الدلع - فواكـــــــه
تسلمون على المرور الرائع
مع خالص حبي
البرنسيسه
__________________________________________________ __________
>>>> الرد الرابع :
ياهلا وياغلا
بالغاليه برنسيسه
بصراحه جتني رسالة غلا كلها ذوق واحساس
لبى عيون اللي عشاني رسلها .. من شخص
حبه بقلبي على ساس .. حتى شرايني بحبه
دخلها واسمها على الشاشه سطع كنه الماس ..
لبيه ياذيك العيوووووووووون ونظرهاااااااااا....
يسلمووووووووووووووووو يسلموووووووووووووو
برنسيسه على الاهداء كلك ذوووق
والله لا يحرمنى منك
__________________________________________________ __________
>>>> الرد الخامس :
ماهي غريبه إنك عليهم تشيخين
مادمتي فيما تحتوينه مثيره
دامك حرقتي كرت سيد المزايين
وش عاد لو صرتي عليهم اميره
لا إله الا الله 00 ماشاء الله
عيني عليك بارده
كلام في منتهى الجمال
تحياتي
رد مع اقتباس
