عنوان الموضوع : هل انتي ضد او مع وجود الخدامه في المنزل عمل يدوي
مقدم من طرف منتديات الضمير العربي

مرحباااااااااااااااااا
بدخل عالموضوع على طول الانه ساخن هههههههههههههههه
الخدامه
خطر عالمجتمع صدقوني
هل انتي ضد او مع وجود الخدامه في المنزل

تقدرين تستغنين عن الخدامه؟؟؟؟؟؟؟؟؟؟:1 (25):
هل كل اعتمادج عليها ؟؟؟؟؟؟؟؟؟؟؟؟؟:1 (25):
كيف تتعاملين معاها؟؟؟؟؟؟؟؟؟؟؟:1 (25):
وشو سبب وجودها فالبيت ؟؟؟؟؟؟؟؟؟:1 (25):
ماتقدرين تخدمين اهلج وعياتلج وزوجج؟؟؟:1 (25): :1 (66): :1 (35):
هل ابو الاعيال يتدخل في مشاكل وامور الخدامه؟؟؟؟؟:1 (76): :1 (66):
يهتم لها تهتم فيه
مو مرتاحه من شي تسويه الخدامه يالله ابدعوا وشاركونا:1 (9):
ابي كل وحد تدخل اتجاوب وتكتب شو المواقف اللي تصير مع الخدامه
كل اللي تبي اتقوله ن موضوع الخدامه تقوله هنيه
وانا راح اكتبلكم شو اللي شفته وسمعته من الاهل بعد ردودكم
وعن نفسي ماعندي خدامه ولو اعيش طول عمري ماراح اييب خدامه وصارلي سنتين متزوجه وعندي ولد
يالله ابي اشوف ارائكم حول الخدم ومشاكلهم معاكم :1 (9):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شوفي حبيبتي بالنسبة لي أنا متزوجة من 8 سنوات ولا مرة يبت خدامة رغم اني موظفة
احس بمتعة في شغل البيت في التنظيف والغسيل والطبخ وحتى بعد ما يبت عيال ما يبت خدامة كنت اوديهم بيت عمتي ( ام ريلي ) لما اروح الدوام 000
بس الحين احس اني وايد مضغوطة بنوتي العودة في الصف الثاني يبالها حد يستقبلها لما ترجع من المدرسة وولدي في kg1 والصغيرة بعدها
احس اني متلعوزة عالآخر يوصلون من المدرسة يوعانين ويبالهم حد متفيج يستقبلهم ويأكلهم الين ما ارجع الساعة 3 الظهر بعد ما اتبهدلت عالآخر اضطريت اطلب لي خدامة وباجر الثلاثاء بتوصل ادعولي انشاالله تكون زينة وحريصة على عيالي وبيتي 000000 آمين يا رب العالمين


بس ما انصح أي وحدة مب موظفة تييب خدامة 00000 بعدين لا تنسون شغل البيت يعتبر رياضة

__________________________________________________ __________

>>>> الرد الثاني :
بصراحه انا متزوجة من تسع سنين و ما عندي عيال
بس ما اصبر بدون خدامه موب بطره او شي بس بالأول كنت ادرس و بعدين اشتغل ف يحتاج اني لما ارجع البيت احصل الغدا زاهب و كل شي نظيف و مرتب
و الحمدلله في كل مره اتوفق فيهم حتى اللي عندي كبية بالسن و مشتغله قبل بالسعوديه 8 سنواتو في حاله ولا اشوفها كله بحجرتها قاعده و ما يخص ريلي فيها حتى عادي يمر اسبوع ما يشوفها اتحط الاكل هوو في الحجرة و اتشله هوو يغسل ايده
واذا يبا منها شي يخبرني قبل
و الله يتمم علي هاشغاله لانه نادرا ما الواحد يحصل وحده زينه
و ربي يوفقكم كلكم

__________________________________________________ __________

>>>> الرد الثالث :
الغالية كل شي فيه ايجابيات وسلبيات يعني سلاح ذو حدين
عن نفسي انا اول ماتزوجة طبعا سكنت مع زوجي في بيت اجار وكنت انا اشتغل بروحي ومرات هو يساعدني (مرات مب دوم يعني يشل الصحن يوديه المطبخ او ايب كاس ماء له هو يعني خفايف)
المهم فقعدت بدون خدامة مع ان زوجي عسكري وتعرفون الثياب العسكرية تبا شغل في الكوي بس والله كنت اغسل واكوي كل شي في البيت مع اني اشتغل وحملت من الشهر الاول من زواجنا وكملت 9 شهور وانا بدون خدامة ولا حتي حد يساعدني مع اني كنت حامل بتوأم وبطني صار حدث ولا حرج ولدرجة اني صرت اكوي على الارض
لحد ما ربيت بالسلامة يبت خدامة عاد كان شي ظروري تساعدني والله صعب مع العيال وخصوصا اذا الوحده تشتغل والله وايد صعب بس من ارجع البيت طبعا تصير مسؤولية العيال علي وطبعا كل شي خاص بزوجي انا اسوية هي بس تغسل ملابسه بس انا اكوي واعلق وانظف غرفتي وهي كانت بس تساعد وفي الوقت الحالي عندي اربعة وطبعا الكبير في المدرسة والثاني في الروضة فيظل في البيت بنتي عمرها 3 سنين وولدي الصغير عمرة 1 وخمس شهور وطبعا هذه الخدامة الثالثة والحمدالله متوفقة مع الخدامات يعني زينات معاي ومع البيت والعيال وطبعا يشتغلن شغل والله كراف لاني انا من النوع اللي وايد ينظف حتي لو هي تنظف ايي انا بعدها وانظف فهي ماخذه طبعي في كل شي وتعرف شو اللي يرضيني وانا بعد اساعدها في اشيا وايد ما اخلي الشغل كلة عليها وخصوصا العيال
انا اشوفها ظرورية من ناحية الام التي تشتغل يعني انا اروح من 7 لين 3 وماعندي حد في البيت يمسك العيال شو الحل؟
طبعا الظروف الصعبة اللي خلتنا نشتغل وانتو شايفين وعارفين
وجودها ضروري بس تحت مراقبة جيده بدون ما تحس وتتحاسب على اي خطا خصوصا الكذب.
وبعد تتعامل بإحسان يعني بعد تنرحم لانها لو مش محتاجة ما اشتغلت خدامة شو تسوي طبعا مش الكل في منهن اعوذ بالله منهن.
الله المستعان شو نسوي

__________________________________________________ __________

>>>> الرد الرابع :
اكيد ضروري وجودها و خصوصا ها الايام

بس اذا الوحده توها عروس و ماعندها عيال احسبه ماله داعي

و السموحه

__________________________________________________ __________

>>>> الرد الخامس :
هي لها مضارها بس بعد لها فوايد

انا ماعندي خدامه بس اكيد راح ايبلي وحده في المسقبل