عنوان الموضوع : كيف افرق بين ملابس زوجي وملابس ابوي واخواني؟! اعمال منزلية
مقدم من طرف منتديات الضمير العربي

مرحبا بنات ..
انا ساكنة في بيت اهلي .. ونحن نظامنا في الغسيل .. الملابس الملونة كلها بيوم والملابس الملونه كلها بيوم .. وامي تغسل كل الملابس لأن الغسالة اتوماتيك .. والخدامات يجمعون كل الملابس في غرفة الغسالة ..
وانا تعبت اني كل اسبوعين أو 3 اكتب بالقلم الجاف الاسود اول حروف اسم زوجي على الأثواب والبيجامات والفنايل الداخلية .. وبعد كم غسله يروح لون الكتابة .. ويتلخبط كل شي من اول .. الفنايل ضاييعه .. والاثواب متلخبطة .. والوزرة مش موجودة .. كيف ممكن اميز لبس كل حد بالبيت؟
هل يوجد قلم ممكن نكتب به على الملابس ومايروح بالغسيل ابدا ؟؟ ووين احصله؟
واذا في حل ثاني خبروني ..
بس حل انه كل يوم الغسيل يكون لشخص معين وايد صعبة .. لأن ما بيكون في غير 3 أو 4 قطع للغسيل .. ونحن بالبيت .. ابوي واخوي وزوجي وزوج اختي ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي ...
ممكن الخياط نفسه يسويلج علامه داخل الكندوره ...
أما الوزره و الفنايل .. ممكن انتي تسويلهم علامه بالخيط( بس يكون لون معين غير الابيض)


واتمنى اكون ساعدتج..

__________________________________________________ __________

>>>> الرد الثاني :
..انتي سوي عليهم غرزه اكس مثلا ..X ع زاوية الوزار وظهر الفانيله والكناديير ..وانحلت الازمه

__________________________________________________ __________

>>>> الرد الثالث :
فكرة الغرز عبيتني .. بس مثل ماتعرفون .. الكنادير لو سويت بها غرزة بيبان من برع ... لأن الكنادير مافيها علامة ورا .. بجرب اودي الكنادير للخياط اقوله يسوي علامة

__________________________________________________ __________

>>>> الرد الرابع :

المشاركة الأصلية كتبت بواسطة صديقتي
هلا اختي ...
ممكن الخياط نفسه يسويلج علامه داخل الكندوره ...
أما الوزره و الفنايل .. ممكن انتي تسويلهم علامه بالخيط( بس يكون لون معين غير الابيض)


واتمنى اكون ساعدتج..




__________________________________________________ __________

>>>> الرد الخامس :
اختي ليش ما تكتبين بقلم الشفافيات ؟ - وهو نفسه اللي نكتب فيه على السيديات ..