عنوان الموضوع : ماهي الجنسيه الافضل للخادمات؟؟؟ شغل يدوي
مقدم من طرف منتديات الضمير العربي

حبيباتي قررت ايب خدامه وموعارفه اي جنسيه ايب
الاندونيسيه اصحاب طبوب وعلاقات
الفلبينيه ما اعرف
السيلانيه تكرف بس زينه لليهال!!
الهنديه؟؟
البنجاليه يستحيل ما يعرفون شو وظيفه البروش (تجربه الوالده)
الي عندها شغاله ياريت تنصحني شو استقدم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الفلبينيات أنظف..بس مايصلحن حق الكراف وفيهن نفس.........اما الأندونيسيات مثل ماقلتى اصحاب علاقات وسحر
بس طبخهم حلو ويكرفن فى البيت(بس مب كلهم).........اما الهنديات والسيلانيات..مستحيل أدخلهم بيتى (المسيحيات منهم انظف وأرقى بس المشكله ديانتهم)........والسموحه.

__________________________________________________ __________

>>>> الرد الثاني :
الفليبينيات هم زينات حق اليهال -منها يعرفون انجليزي و ممكن يساعدونهم في الدراسه- و هم نظاف ، دوم غرشة اسكينول يفضونها في اسبوع على ويوههم.. بس ما يحبون يتمون في البيت..يعني لازم تطلعينها بره السوق وياج او تخلينها تطلع ويا ربعها و لازم كل وحده منهم عندها اخو و لا ولد عم يشتغل في العين و يتصل فيها كل يوم الصبح و تتصل فيه..
الاندونيسيات مثل ما قلتي..
الاثيوبيات على نياتهم..ما يفتهمون شي ..بس اذا علمتيهم على طول يلقطون..و العربي يتعلمونه في اسبوعين..بس مسيحيات الاغلبيه
الهنديات في و في.. وحده استخدمناها من زمان كانت كل اسبوع تنظف الثرات بالبيت كله و الكبتات و تلمع الارض بس مشكلتها تقرقر وايد في امور ما يخصها..

و هاللي اعرفه

__________________________________________________ __________

>>>> الرد الثالث :
الفلبينيات المسلمات افضل بالنسبة لي لان الاندونيسيات مثل ما قلتي صاحبات سحر وعينهن طايره على الرياييل والسيلانيات مافيهن نظافة والاثيوبيات مايعرفن شي والبنجاليات ماجربناهن
بس في النهاية انا اشوف انه المسألة مسألة حظ يعني اللي يصلح مع غيرج ممكن مايصلح معاج

__________________________________________________ __________

>>>> الرد الرابع :
انا ما أحب أي جنسيه لأني ما أحب سوالف الخدم وما افكر بالخدم ابدا الحمدلله

__________________________________________________ __________

>>>> الرد الخامس :
انا عندي اندنوسية عيوز عيبها تنقل كل اخبار البيت حق اهل زوجي الصغيرة والكبيرة هذا لم كنت ساكنة عندهم بس الحين انا بعيد مع ذلك احس ان الاندنوسيات منافقات صح حق كرف بس لازم تكونين حذرة لانهم يعرفون السحر وهم خبيرات حتى لو ماراحت بلدها