كثير من الازواج تعم سياراتهم الفوضى وعدم النظام وخصوصا اذا كانت سيارته هي سيارة العائلة في نفس الوقت واليوم حبيت اني اراويكم بالصوره افكار عملية لترتيب السيارة والحفاظ على نظامها، وممكن تسوينها مفاجأة لريلج بهالتنظيم المرتب لأن الرياييل تعيبهم سوالف السياير ومتعلقاتها:
اهم اشخاص نفكر في حمايتهم في السيارة هم الاطفال وبالتالي اول قطعة نثبتها في السياره هي مقعد الطفل وتأتي باحجام واشكال مختلفة حسب عمر الطفل:
ثاني قطعة مهمه هي كيف نبقي الطفل هاديء حتى مايشوش على الشخص اللي يسوق ويشتت تفكيره وهي حقيبة النشاطات اللي تتعلق في الكرسي اللي امام كرسي الطفل وفيها كل حاجات الطفل من ماي والعاب وقصص وغيره.
هاذي القطعه تشابه القطعة السابقه ولكنها مفيدة للكبار اللي بيجلسون في الخلف فيها حامل لعلبة الكلينكيس وفيها ايضا حامل للسيديهات والديفيدي وايضا جزء للكتب او المجلات، مكان للمظله، واماكن لحفظ الحلويات وغيره.
في اغراض ماتخلا منها ولاسيارة مثل زيت للمحرك بعض اسلاك الكهرباء ومصباح اضاءه وغيره وكل هذي الامور ممكن تتنظم لو انحطت في حقيبه مثل هذي علشان وقت الحاجه نلاقيها ولاندور في السياره كلها.
لوكانت السيارة فيها مساحة كبيره في الخلف والاغراض اللي تشترونها للبيت عددها قليل وتبون تحطونها بدون ماتتحرك وقت السواقه، يفضل ان يكون عندكم قاعدة لحفظ الاغراض عن الحركه اثناء القايدة مثل هذي.
وممكن حل ثاني بأنج تحطين شبك يتعلق من الطرف الايمن الى الطرف الايسر ومقسم الى اجزاء لحفظ الاغراض في الخلف مثل هالصورة.
هذا المنظم للسيديات يتعلق في المظلة اللي اعلى رأس السائق ممتازة في تنظيم وحفظ السيديات وسهولة الوصول لها اثناء القيادة.
وهذا الحامل للنظارة الشمسية ايضا فكرة ممتازه لحفظها من الضياع.
وأخيرا سلة مهملات للسيارة شيء ضروري جدا، للمحافظه على نظافتها ولاننسى مخالفة رمي المخالفات من النافذه اثناء القيادة كم؟
بليز بنات تعبت في تنسيق الموضوع انشاءالله تستفيدون منها، في اشياء من اللي ذكرتهم موجوده في مذركير وكارفور و بعض محلات اكسسوارات السيارات.
رد مع اقتباس
