عنوان الموضوع : خواتي دخيلكم ساعدوني اللي فوضعي كيف بتقسم؟؟ اعمال منزلية
مقدم من طرف منتديات الضمير العربي
خواتي انا لقيت شقه بحجرتين وسيعات وصاله وسيعه
وبخبركم مشكلتي
ريلي ايداوم بالصحرا ويرد بالويكند
وانا عندي توم وجريب مسويه عمليه يعني في حياة بشكاره
بس محتاسه وين ارقد البشكاره
وكيف اجسم الحجرتين اخلي عيالي وياي والحجره الثايه قعده لاني احس الصاله روحها ماتسد مع انها تنفع تكون ميلس
او حجره حقي وحجره حقهم والصاله نخليها يلسه
والبشكاره وين اطيرها؟؟
ساعدووووووووووني
للعلم عيالي عمرهم سنه
وريلي يرد خميس وجمعه بس
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا أختي... مادام إنه يرد فالويكيند خلي البشكارة ترقد فغرفة وإنتي وعياالج فغرفة.. بس فالويكيند خليها ترقد فالصالة وتنش قبلكم...يعني عسب مايشوفها ريلج.. وإذا كان المطبخ عود تقدرين تجسميه وتخليلها زاوية ترقد فيها وتحط اغراضها ع الأقل..
والله يوفجج حبيبتي...
__________________________________________________ __________
>>>> الرد الثاني :
مشكوووووووره اختيه
__________________________________________________ __________
>>>> الرد الثالث :
اقسمي حجره وحده بحاجز من الجبس..
و خليه قسم نوم للبشكاره و قسم مثلا كوي و اغراض
و الصاله حطي فيها طقم الكنبات و غرفه طعام..
و إذا تقولين الصاله وسيعه وايد بعد سوي فيها حاجز جبس و خليه لالعاب العيال..
ووووو شو بعد... اي مساعده انا جاهزه
انا وايد تعيبني هالسوالف
__________________________________________________ __________
>>>> الرد الرابع :
مشكووووووره اختي ماقصرتي والله
__________________________________________________ __________
>>>> الرد الخامس :
ما شاء الله الاخوات اللي قبلي ما قصرو
رد مع اقتباس
