عنوان الموضوع : الي عاشت بامريكا تدخل وتخبرني ضروري اعمال منزلية
مقدم من طرف منتديات الضمير العربي

السلام عليكم بنات شحالكم؟ عساكم بخير ؟
ابغي اي وحدة تخبرني عن الحياة بصورة عامة فامريكا والجو هناك والملابس المناسبة للفصول بلييييييز بنات الي تعرف لاتبخل علي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله البنات يفيدونج ...
للرفع
للرفع

__________________________________________________ __________

>>>> الرد الثاني :
للرفع
للرفع

__________________________________________________ __________

>>>> الرد الثالث :

المشاركة الأصلية كتبت بواسطة بسكوتة بوظبي
السلام عليكم بنات شحالكم؟ عساكم بخير ؟
ابغي اي وحدة تخبرني عن الحياة بصورة عامة فامريكا والجو هناك والملابس المناسبة للفصول بلييييييز بنات الي تعرف لاتبخل علي



حبيتي على حسب الولايه اللي انتي بتروحين لها

__________________________________________________ __________

>>>> الرد الرابع :
انا في ولاية فيرجينيا الجو بصراحه بااارد غير عن جو بوظبي الحين دخل الشتا واليهال لازم الجاكيت واللبس الثقيل تعرفين عيالنا مب متعودين على الجو البارد . والحياه حلوة بشكل عام ما شفت اي صعوبات فيها كل شي متوفرالاسواق في كل مكان اللي تبينه موجود واذا كان في خاطرج تسألين عن شي معين فالج طيب ان شالله

__________________________________________________ __________

>>>> الرد الخامس :
وعليكم السلام ورحمة الله وبركاته

انا فكندا بينا وبين حدود امريكا و سياتل ساعه في السياره تقريبا...

الجو بارد وايد في الشتا ...والثلج يلين الركبه ....يعني لازم تاخذين ملابس شتويه ...

وانصحج لا تاخذين من البلاد خذي من المنطقه اللي بتسكنين فيها ...لاني خذت جاكيتات وبلايز شتويه من البلاد بس ابدا ما يدفن لانه بردنا غير عن بردهم ...

بشكل عام الناس طيبين ...ودامج فحالج محد بيتقرب منج ...وما يخصهم بلبسج ...ابدا ...نحن كلنا هنيه نلبس عبي ...وما شالله اغلب الحريم منقبات ...وعايشين حياتنا طبيعي ...فلا تحاتين هالامور

بالنسبه للاكل ...هذا الموقع يخبرج شو الاماكن الحلال والقريبه من منطقتكم السكنيه نحن وايد فادنا ...بس شي من المطاعم ما تكون حلال ...وهالشي يبين يوم بتدخلون المطعم

https://www.zabihah.com/

شو بعد ...اهم شي يكون عندج بوت مريح ...لانه هالفتره كلها ثلج والبوت هو احسن شي للمشي ...

في الصيف الامور طيبه جنا الشتا في بلادنا ...الجو بيكون حلو بس شمسهم شوي قويه فلازم سن بلوك قوي ...

اذا كنتي تلبسين سكارفات بدل الشيل فخذيلج كشمير ...ادفى في الشتا ..تحصلينهن فدبنهامز وعندهم اشكال حلوه ...او عادي تاخذينهن من لندن اذا كان الترانزيت مالكم في الهيثرو ....شي في الهارودز ...

واي شي نحن حاضرين والله يكتب لج الخيره ويسهل عليكم سفركم ...