عنوان الموضوع : عاجل : فار كبير في بيتنا يهاجم كل شي ..انقذووونا .. حاولنا نصيده ما قدرنـــا اعمال يدوية
مقدم من طرف منتديات الضمير العربي

السلام عليكم

الموضوع مبين من عنوانه ..

حطينا لزقـــة فيران بعد ما قدرنا نزخه .. حاولنا نلحقه ما قدرنا .. تخليوا الصبح يختفي و الفليل يروح يتحوط في غرفنــــا .. ياكل كل شي .. ما خلا شي حتى الكراتين كلاها و الأكياس كلاها و عزكم الله مخلفــــــــــــاته تارســــــــه الصالـــــه << يعني يسويها في الصاله بعد ... تعبنـــــــــــــا اسعفووونا رجااااءاااااااااااااا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
من تجربه ومعاناه سابقة
رشو في البيت من داخل وبرا فلفل اسود
وعقب دعيلي بالخير

__________________________________________________ __________

>>>> الرد الثاني :
السلام عليكم..
إتصلوا في بلدية دبي...ترى عندهم قسم لمكافحة القوارض و إن شاءالله تفتكون جريب

__________________________________________________ __________

>>>> الرد الثالث :

المشاركة الأصلية كتبت بواسطة شرجاويه9
السلام عليكم..
إتصلوا في بلدية دبي...ترى عندهم قسم لمكافحة القوارض و إن شاءالله تفتكون جريب



ماااشي فااايده يبنا رياااال و رش دوااااء للفيرااان بس الفار ما ياااكله ... و بعده حي يرزق

__________________________________________________ __________

>>>> الرد الرابع :
اختي في دوا (سم) ينباع في اللولو... الدوا لونه بنفسجي... اتنثرين شوي في المكان اللي اتعرفين ان الفار بيمر فيه... بياكله.. الدوا بيخليه يتعب وشوي شوي يموت... ويسبب له عمى.. عسب جي ما بيموت في مكان مظلم صعب انكم توصلون له.. بيدور على مكان منور.. المهم... الدوا مفعوله أكيد.. وعن تجربة..

__________________________________________________ __________

>>>> الرد الخامس :
أختي


كانت عندنا نفس المشكلة


لدرجة انه عض ايد الوالد و هو راقد !!

شو سوينا!!

حاولنا وياه


و آخر شي يدتي قالت حطوله سحناء على اي ورقة كارتون و لزق

الريحة تجذبه و ان شاء الله بتيودونه


جربو وياه السحناء

ادري شي يضحك خخخخخ بس صدق صدق سويناها وايد و الحمدالله دومنا انقص عليهم هع


^^


بشرينا عاد يوم بتزخونه!!