عنوان الموضوع : كل البيت يتسابق عشان يقشر الرمان؟؟؟؟؟؟؟؟؟؟؟؟ اشغال يدوية
مقدم من طرف منتديات الضمير العربي

السلام عليكم
حبيباتى كلنا نحب الرمان لما له من فوائد عديده لكن نتعب فى تقشيره وكل ما نقشره بالطريقه المعتاده نلاقيه بيتناثر فى كل المكان وهذا غير تخريبه حق الايدين و تسويدها

و عشان جي يتم في الصحون و لا الثلاجة لين ايبس و ينعق

بقول لكم على طريقه سهله لتفصيصه و تخلي كل البيت يتسابق عليها عقب ما كانوا يوم ايقرب الرمان يتشاردون

اولا نييب الرمان ونغسله زين قولوا تمام

ثانيا نييب الرمانه ونقطعها مثل اللومية يوم نبا نعصرها قولوا تم

ثالثا نييب نص الرمانه ونقلبها على ويها فى ملة غريزة بحيث ان اللى يكون جدامنا نصفها الخارجى القشره الحمراء يعنى

رابعا نجيب ملعقه خشب وندق عليها كانه نضربها بنلاقى الرمان نزل بسهوله فى الملة و لا حبة تمت داخلها ومن غير تعب و لا وسخ في المكان و لا سواد اليدين

ممنوع الرد الا عقب التجريب

ياريت تجربون و تقولون لي عالنتيجه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
.... ثااانكس حبيبتي...
وهاي الحركه عاديه الكل يسويييها
[/FONT][/COLOR][/SIZE][/CENTER]

__________________________________________________ __________

>>>> الرد الثاني :
تسلمين اختي على مجهودج
وانا اول المجربين باذن الله

__________________________________________________ __________

>>>> الرد الثالث :
يبيله نجربها
مشكورة اختي على الطريقة


في رمانة وحدة في الثلاجة بروح لها عقب طيران

__________________________________________________ __________

>>>> الرد الرابع :
حبيباتي الي يعرفها من قبل ليش ما خبرنا عن هالحركة

أنا بصراحة اول مرة اعرفها

و من فرحتي حبيت أخبر اللي ما يعرفون

__________________________________________________ __________

>>>> الرد الخامس :
مشكووورة اختي


يبالنا نجرب