عنوان الموضوع : ثقتي ببشكارتي طالعو لوين وصلتني شغل يدوي
مقدم من طرف منتديات الضمير العربي
قبل ما ابدأ اللي ناااوية تتشمت لا تكتبلي ردها اريد الردود فيهاااا نصاايح بس ما اريد لوووم وعتاب لان اللي فيني كافيني
خواتي انا يوم ربيت ببنتي وكانت بجر يبت اول بشكارة لي وكانت فلبينية وتراااني ما عندي خبره فيهن وطبعا تحت وصايا الوالدة عطيتها موبايل عسب اطمن على بنتي وانا بالدوام وكنت مرة بالشهر اخليها تطلع ويا بشاكير امي تودي راتبها وياخذون الاشيا اللي يبونها
اول ما يت بشهرين سوت مشكلة صغيره كان ريلي يسحب عنها الموبايل ... وبغى يسفرها من باب التهديد وتمت تصيح وتقول ان ريلها مطلقنها وانها تصرف على 3 عيال وانها سوت المستحيل واتسلفت عسب تقدر تيي الامارات وهكذا غمضتني وقرر ريلي يعطيها فرصة ثانية
وبعد هالشيء بشهرين اكتشفت انها شاريه موبايل مال بو 200 درهم قام ريلي سحبه عنها وقالها زهبي شنطتج اليوم بتنجلعين بالمطااااار واستوا فلم هندي وصيااااااح وكان ريلي مصمم الا يسفرها لانها ما تتعلم من أخطاءها بس للاسف ما سفرناها وريلي قالها فرصة اخيره
وتمت عندي سنتين خلصت عقدها مثال للبشكارة الذكية واااايد مريحة بنتي يوم انبهها على شيء تتفاداه وهكذا ويووم خلصت سنتين قالت مدام انا ابا اجدد شاورت ريلي وقالج برايج انتي حرمة البيت وانتي اللي بتجابلينها وقلت لها انا بسفرج قبل لا يخلص العقد بشهر اذا رديتي بجددلج اياه
وساافرت ودقتلي انها محتاجه مبلغ مالي وتصيح لان ريلها يبي ياخذ عيالها وتبا تضم حضانتهم لها طبعا ريلي كان رافض بس انا غمضتني وسرت عطيتها 3000 درهم وطرشناهم وبعد الشهر ردت البلاد وكان الاتفاق اخصم نص راتبها اللين اتسدد المبلغ وفعلا تميت اخصم وسددت المبلغ وفي يوم ياتني تصيح تقول انها تبي تشتري بيت لعيالها وما عندها فلوس لان عيالها بيت اختها واختها ما تباهم وتبي تتسلف مني 6500 درهم وانها بتم تاخذ نص راتب بس وبتسددهم قبل لا يخلص عقدها وفعلا عطيتها البيزات من راتبي ووقعتها على ورقة بالاستلام
الحين اهي باجيلها تدفعلي 6000 درهم
وباجي على عقدها سنه و3 شهوووور
ومن اسبوع استوت مشكله بينها وبين بشاكير امي كان كل وحده اتفتن على الثانية وقالولي ان اهي شاريه لاب توب ييت البيت وخبرت ريلي قالي ريلي لو عندها صج اكيد قبل لا تشتريه كانت تستخدم لاباتنا ونحن بالدوام وفعلا دش على لابه وسوواله استرجاع وريلي يعرف يهكر عالخفيف وقدر يكتشف ان عندها ايميلين ويفتحهم ويقرأ كل الرسايل واكتشف ان عندها صفحة على الفيس بوك حاطة صوره لها وصووور عيالها وهواياتها وهكذا وحتى ايميلاتها كل الرسايل مراسله فيهن اخوووها وربيعتها وطبعا انا حسيت عمري غبيه في يوووم ناديتها وقلت لها
اسمعي يا فلانه بابا ترااا هكرز واكتشف ان عندج ايميلات وصفحة ع الفيس بوووك وسيري طلعي الاب توب اللي خاشتنه لان بابا يقوول اذا ما طلعتيه اليووم بيوديج الشرطة
كان تسير واطلعه على طوووول ... وقلت لها اذا تبين اتمين اللين تخلصين عقدج موبايل مافي وطلعه مافي
كان تقوول بعد اللي عرفتوه عني انا ابا اسافر
قلت لها يبي 6000 اللي عليج وانجلعي
قالت انا بتصل بعمتي اطرش البيزات وبسافر
وفي الليل ناديتها قلت الها هااا شوو قالت عمتج
قالت : ان ماعندها بيزات
قلت لها : وشوو بتسوووين
قالت : اخصمي راتبي 6 شهوووور كوامل وسفريني
قلت لها اسمعي جدامج يومين تقررين وتردين علي
والحين من 4 ايام وما ردت علي وعادي تراني اشغلها بالبيت بس ما اعبرها قبل اخذها معاي كل مكان واضحك وياها والحين مطنشتنها وكلامي وياها رسمي وااااايد
مب عارفه شووو اسوووي
هالفترة ريلي انهى خدماته يعني يالسين على راتبي واذا سفرتها بتكلف تذكرتها وبيزات عسب اييب وحده ثانيه
وبعد ما اريد احس اني غبيه عطيتها بيزات وما ردتهن
اللي عندها نصيحة او طريقة جديدة اتعامل فيها معاها تتكرم بكتابتها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الله يعينج والله
خل تبيع الاب توب
__________________________________________________ __________
>>>> الرد الثالث :
حسبنا الله عليهم
والله ما ينفع فيهم الزين
الله يعينج
__________________________________________________ __________
>>>> الرد الرابع :
__________________________________________________ __________
>>>> الرد الخامس :
خلها اتبيييع الابتووب وموبايلها بعد
قوليلها خلها ادبر البيزات من عندها وان انتي مايخصج بس تبين بيزاتج يرجعوولج
وشوفيها شو بتقول
رد مع اقتباس
