..السلام عليكم ورحمه الله..
نزلت موضوع من فتره اسأل فيه عن المطبخ التحضيري وهذا الموضوع
https://forum.uaewomen.net/showthread.php?t=508620
والبنات ماقصرن يزاهن الله خير
وجهز مطبخي التحضيري من 3 شهور تقريبا وبنقل تجربتي عشان افيد البنات...
صغير يمكن مترين في متر ونص لكن الحمدلله سادني ...
طبخت فيه كل شي .. مجبوس ..برياني .. شوربات..فطاير.. كل شي الحمدلله والريحه مب وايد قويه اشغل الشفاطه والمروحه وفي الصاله اشغل ملطف الهواء اللي بيعونه في هوم سنتر وااايد فايدني صراحه....
وهال الصور..
هذا الكبت الطويل اللي ع الطرف وهو مفتوح فيه ادراج تنسحب واايد زيييين ووفرلي مساحة...
وانا عني مرتبه كل درج فيه مجموعه معينه.. اول درج المعكرونات والشوربات – ثاني درج العيش والبهارات – رابع درج الطحين ولوازم المعجبنات والكيك.. واخر شي بايركسات...
وهاي صورة اقرب..
وهنيه حاطه المواعين...
وهالطاوله شارتنها من كارفور بلاستيك تنفتح وتتسكر فايدتني متى مابغيت اقص سلطه او فروت لانه تشوفون ماشي طاوله رخام او مساحه حق القص ...
وترى شكله خشب بس هو المنيوم ...بالنسبه للمحل مادري لو عادي اذكره او بينحسب دعايه... المهم المحل وايت المنيوم في بوظبي... مثل ماذكرت مترين في متر ونص كلفنا 7000..مع الشفاطه وطولوا صراحه لين يابوه شهر والضمان 10 سنين.......والغاز كهربائي خذته من المحل اللي في جمعيه المينا في بوظبي تحت ب2500 .. وااااااايد زين واستخدامه سهل...
( واستغفـــر الله العظيم واتوب اليه)..
ادعولنا ..
رد مع اقتباس
