عنوان الموضوع : هي دجاله ولا ساحرة ولا شو بالضبط اعمال منزلية
مقدم من طرف منتديات الضمير العربي

بسم الله الرحمن الرحيم
أخواتي ما أعرف وين أحط هالموضوع الرجاء من المشرفات وضعه فالمكان المناسب
اليوم الصبح وأنا داخله المطبخ علشان اريق بنتي حسيت بألم فالظهر ومسكته وبطني واااايد يعورني ما اعرف كيف افسره قاعده أقول ان شاء الله اكون حامل بنتي كبرت بعد ثلاث شهور بتكمل ثلاث سنوات وفتره العلاج من حب الشباب خلاص عدت ثلاث اشهور قلت حملي اللحين سليم وهذا كان كله فخاطري وبعدين قلت حق البشكاره بطني وااااايد يعورني قالت مستحيل انتي حامل قلت ليش قالت بس كذيه انا اعرف هذي الآلام من الشغل وانتي يبالج كم سنه لين ما تحملي قلتلها استغفر الله انتي ساحره ضحكت وقالت بس انا اعرف من الوجه وانتي ما تقدري اتيبي توأم
اسميني اتروعت منها وحفت منها
اتروعت اتكون ساحره
وخفت انها هي ما تباني احمل فهالفتره
ليش تقول مستحميل تحملي اعوذبالله منها
والله لين اللحين انتفض منها شو اسوي كيف اتصرف معاها
خفت على عيالي وريلي منها الصراحه
سمحلي اذا ما فهمت شي من كلامي لاني لين اللحين وانا انتفض منها
استغفر الله واتوب اليه
كذب المنجمون ولو صدقوا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لا حول ولا قوة إلا بالله

ما أدري اختي يمكــ، تسولف معاج

أما اذا متأكدة انها كانت جديــة اختي الغالية

ادعي لها ربي يهديها

وشلي أغراضهـــأ والمطار جدامكم ^_^

مايحتاج لها اعادة نظـــر


بس تأكدي انج مب ظالمتنها أول شي لإن دعوة المظلوم مستجابــة ولو كانت كافرة ..

والله يهدينــا أجمعين

واذا انتي اختي ترقين عمرج بالاذكار يوميا بالصباح الوالمساء وقبل وبعد النوم

وتشغلون قرآن في بيتكم ,, فلا تخافين من شي

اذا الله معاج فمن عليج

__________________________________________________ __________

>>>> الرد الثاني :
انا مع الاخت bellegirl
بكل كلمه قالتها

وصلي استخاره اختي وربنا بيسرلك شو تعملي بالظبط

واختي لو هي ناويه ع شر كان ما قالت اللي قالته كان خبت واشتغلت من تحت لتحت مثل ما يقولون

__________________________________________________ __________

>>>> الرد الثالث :
رأيي إن المطار جريب
حق شو مخليتنها عندج
أخاف تكون مسوية لج شي ما يخليج تحملين
ترى هاذيل ساحرات
وكلامها الصراحة وايد يخوف
والخدم الله مكثرهم

__________________________________________________ __________

>>>> الرد الرابع :
حبيبتي اولا في بعض الناس تكون عندهم فراسة
و خاصة شرق آسيا عافانا الله
يعرفون نفسية الواحد من عيونه و شكله
حتى أحيانا يعرفون انت حامل بولد أو بنت
فلا تحطين بالج في الموضوع و ماعليج منها و لكن لازم تسوين الامور التالية :

1 - شيكي على عمرج ليش هذا الالم ؟
2 - شوفي البشكارة كيف طريقتها معاكم و شوفي أغراضها من دون ما تشك فيج
فإذا كانت ساحرة بيظهر في حركاتها و أغراضها
3 - إذا اكتشفتي لو شي بسيط عليها ,, على طول سفريها من دون ما تعرف
يعني لا تخبرينها أنها بتسافر لين آخر لحظة ،
بس لا تنسين تعطينها ترضية علشان ما تسويلج شي في بلادها
4- دائما أرقي نفسج و عيالج و بيتج و حطي سورة البقرة في البيت

الله يحفظج و يحفظلج عيالج و ريلج

__________________________________________________ __________

>>>> الرد الخامس :
عادي مرة كنت امشط شعر اختي ( اختي تخوفني واايد هههه )

و اقول فخااطري بدش الحمام ( عزكن الله ) قبلها لانها دوم تتأخر بطيئه

المووهيم

مرة وحده طاح المشط من ايدي و لفتتلي و قالت

لااااا انا بدش اول

انا قلت على طووول

مااااماااااا تعاااالي الحيين بسرررعه

هههههههههههههههه


في ناس جيه لا تحاتين

وبعدين لا تظنين ظن السوء حراام

الله يردها فيج بعدين انتبهي