عنوان الموضوع : الخدامة اليديدة عمل يدوي
مقدم من طرف منتديات الضمير العربي

السلام عليكم ورحمة الله وبركاته
خواتي حابة استشيركم في شي انا عندي بشكارتين وبسافرون هالشهر وبما اني طلعت من الشغل فحابة اييب بس خدامة وحدة ,موعارفة شو اسوي هل انا اعلمها او اخلي وحدة من البشاكيير عندي تعلمها قبل ما يروحون انا خايفة اتشوف انه كان في بشكارتين في هذا البيت واتحط في بالها وتقول انا ما بشتغل بروحي او اخلي وحدة من البشاكيير اتسافر والثانية تعلمها وتروح يعني ما اخليها اتشوف البشكارتين,دبروني شو اسوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انتي علميها ..احسن

لان في بشاكير يقولون اسرار البيت او ممكن يتكلمون عنج بالسوء و يعطونها فكره ..غلط


انتي علميها دامج موجوده باليت و فاضيه ...^^

__________________________________________________ __________

>>>> الرد الثاني :

المشاركة الأصلية كتبت بواسطة لميـــاء999
انتي علميها ..احسن

لان في بشاكير يقولون اسرار البيت او ممكن يتكلمون عنج بالسوء و يعطونها فكره ..غلط


انتي علميها دامج موجوده باليت و فاضيه ...^^



مشكور اختي على الرد ابصراحة رايج صائب جدا لاني خايفة البشكارة اللي بتعلمها اتخربها

__________________________________________________ __________

>>>> الرد الثالث :
نصيحة لوووووجه الله لا تخلين أيي من الخدامتين الجدام يعلموووووووووونها حتى لو كانن أحسن الخدم في العالم ...

أنتي علميها أفضل لج صح بتتعبين في البداية بس أحسن من يفرووون مخها عليج ....

أنا جربت وأنقرصت

__________________________________________________ __________

>>>> الرد الرابع :
راي خواتي صح
علميها بروحج ولا تخلين خداماتج الجدام يشوفونها يعني هم يطلعون و بعدين اتدخلينها بيتج ..
الله ييسر لج امورج ان شاء الله

__________________________________________________ __________

>>>> الرد الخامس :
الافضل اتسفرينهن و عقب اتييبين الخدامة اليديدة
و الله يعطيج خيرها و يبعد عنج شرها