عنوان الموضوع : موضوع للنقاش....... عمل يدوي
مقدم من طرف منتديات الضمير العربي
السلام عليكم.....
أنا تعمدت إن ها الموضوع يكون يديد عشان كل وحدة فينا تقراه وتشوف محتواه بالنسبة للخدامة اللي هي تكسر وتخرب وتحرق أنا أوجه كلامي لخواتي بالنسبة لي أنا ياما شغالتي كسرت وياما خربت بس عمري مافكرت إني أخصم من راتبها دايما أسمع من خواتي عشان تتأدب لازم تخصمين من راتبها بس إختي الحبيبة فكري إن هاي الإنسانة فقيرة وتغربت عشان هذا الراتب وسنتين فترة مب هينة فإذا إنتي ييتي وخصمتي من راتبها اللي هو عندها أغلى من روحها فكري فالمستقبل ممكن هاي الإنسانة من إتيها الفرصة للإنتقام شوفيها بدون تفكير بتستغل الفرصة.....
أنا ما أقول إسكتي ولا تقولين لها شي بالعكس عاتبيها وفهميها إن ها الشي غلط وإن هالشي سواء كان غالي سعره أو رخيص فها الشي من مالج وتعبج وإنج من النوع اللي تحافظين على أغراضج وما تحبين حد يخرب لج أو يكسرلج شي وفهميها بعد إنج تقدرين إنج تخصمين من راتبها بس إنتي ما تسوينها لأنج إنسانة تحافين رب العالمين ونقطة أخيرة فهميها إن الشغالات اللي يبتيهم قبلها مافي وحدة كانت تكسر أو تخرب أو تحرق......
وفي النهاية إختي تراني أقولج معظم الخدامات فيهم هالطبع فالأشيا الثمينة خليها عليج على الأقل إنتي ضامنة إنج بتحافظين على هالشي وما بتخربينه......
وسامحوني خواتي على الإطالة.......
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سبحان الله مافي ولا رد الصراحة ماتوقعت هالشي من بنات بلادي أنا كل اللي قصدته إن الوحدة تحاسب على عمرها وعيالها من إنتقام الخدامات وتاخذ حذرها....
وطبع في الخدامات يمكن الأغلبية مايعرفونه إن الخدامة إذا هدديتها بشي ف نفس الوقت بتسكت بس صدقيني مستحيل تنساه وعادي تنتقم من أصحاب البيت لا سمح الله إذا ماقدرت ع الكبار فبيكون سهل عليها ف الصغار....
وأنا هالكلام يبته من واقع تجربة...
عموما كل واحد حر في حياته واسمحولي إذا ماعيبكم موضوعي....
__________________________________________________ __________
>>>> الرد الثاني :
مشكوره اختي على التنبيه وجزاك الله خير
بالنسبه لي اعرف هالشي وخدامتي توها جديده مب مشتغله يايه وما يحتاي اقولها شي من اولها تظارب عيالي كانه هم الي ماكلين حلالها واطلع حرتها فيهم مع اني ما اقولها شي بس سبحان الله تتحرا عمرها حره تظرب عيالي وانا بسكت ....نفدتها حسبي الله عليها واحين ما عندي خدامه فكه منهم ومن شرهم بجابل بيتي وعيالي بروحي ابرك
__________________________________________________ __________
>>>> الرد الثالث :
الغاليه كلامج صح الخدامه ياي عسب تصرف علي اعيالها والاشياء الثمينه علينا نحن
__________________________________________________ __________
>>>> الرد الرابع :
المشاركة الأصلية كتبت بواسطة ام راشـد
مشكوره اختي على التنبيه وجزاك الله خير
بالنسبه لي اعرف هالشي وخدامتي توها جديده مب مشتغله يايه وما يحتاي اقولها شي من اولها تظارب عيالي كانه هم الي ماكلين حلالها واطلع حرتها فيهم مع اني ما اقولها شي بس سبحان الله تتحرا عمرها حره تظرب عيالي وانا بسكت ....نفدتها حسبي الله عليها واحين ما عندي خدامه فكه منهم ومن شرهم بجابل بيتي وعيالي بروحي ابرك
مشكورة فديتج ع الرد والحمدلله إنج إفتكيتي منها ومن شرها وإن شاء الله ماتحتاجين هالأشكال ف بيتج مرة ثانية وعقبالنا إن شاء الله.....
__________________________________________________ __________
>>>> الرد الخامس :
الغاليه كلامج صح الخدامه ياي عسب تصرف علي اعيالها والاشياء الثمينه علينا نحن
مشكورة فديتج ع المرور.......
رد مع اقتباس
