عنوان الموضوع : تعالوا نرتب قائمة مشتريات البيت من الجمعيه عمل يدوي
مقدم من طرف منتديات الضمير العربي

السلام عليكم ورحمة الله وبركاتة

بنات احتار شو اشتري من الجمعيه لاغراض البيت والمطبخ والاكل
واحس يوم ارجع البيت وايد اشياء ناقصتني ويوم احط في بالي اطبخ اتفاجاء الانه لازم اروح الجمعيه في كل طبخه اقرر اطبخهااا
وحبيت ارتب قائمة
مقسمه من

اغراض المطبخ
واغراض البيت
والاغراض الشخصيه

وكل وحده تدخل تقولي شو تشتري من الجمعيه ويكفيها لمدة شهر



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كلنا جي بس ليش تشترون أكل وااايد تقولون بيكفيكم لمدة شهر بس اخر شي يخترب وانتي مايتي صوبه
لانه في تنوع في الطبخ مب كل يوم تاكلين نفس الشي
فالنسبة للأكل خذي على قد اكلج

والاشياء الباقية كتبيها في ورقة كل ماتذكرين شي وانتي يالسة سيري كتبيه

والسموحة

__________________________________________________ __________

>>>> الرد الثاني :
مرحبا اختي لا مب قصدي الاكل اقصد الاشياء الي نستخدمها فالاكل مثل المعكرونه او النقانق او الفول او القشطه او البسكويت
يعني خاطري ادش المطبخ اشوف كل شي موجود مب كل ما اي اطبخ لازم اروح الجمعيه
يعني الاساسيات الي نستخدمها فالطبخات

__________________________________________________ __________

>>>> الرد الثالث :
لشهر مستحيل ..!!

الاغراض لها جناحات >>> شاربة رد بول خخخخخخخ

انا شسوي ..؟

اي شي احتاجه ويكون مش موجود سيده اسجله بمسج فالمسودات عندي ع المبايل

سواء اغراض المطخ او التنظيف او اغراض البيبي ..

وانا افتر فالجمعية اكون مطلعه مبايلي واقرا الاشياء المحتاجتنها واشتريها >>> بيشكون فيني اطرش بلوتوتوث ححححح

__________________________________________________ __________

>>>> الرد الرابع :
يالله بنات تعالوا اكتبوا شو تشترون من الجمعيات

__________________________________________________ __________

>>>> الرد الخامس :
أنا بصراحة مسوية جدول للأكلات اللي بسويها خلال شهر, وعلى أساسها أخذ الاغراض الخاصة بالمطبخ

اما باجي اغراض البيت من منظفات أخذ الحجم العائلي تكفيني 3 شهور مع ان بيتي صغير واسرتي اصغر , و هكذا اوفر راتب 3 شهور,,

وكل هذا طبعا مكتوب في قائمة المشتريات المنزليه اللي معلقتها عالثلاجة في المطبخ ..