عنوان الموضوع : مأساتي مع القطط ؟؟ عمل يدوي
مقدم من طرف منتديات الضمير العربي

السلام عليكم ورحمة الله وبركاته


شخباركم خواتي وشو علومكم ..

خلوني أبدا السالفه على طول .. يعني ما فيني أطول بالرمسه وايد ^^

سلمكن الله قطاو الشوارع مأذيينا .. سايرين رادين على بيتنا ليل نهار و بصراحه الليل أكثر من النهار .... مع أننا أبداااااااا ما نخلي لهم أكل ولا أي شي يقتاتوا منه وحتى الزبايل عزكم الله كلها داخل ما في شي في الحوش عسب يهجمون عليه ..
لكن المصيبه انهم كله مرتزين في الحوش والمصيبه انهم ما يخافون قوياااااااااااااااات ☻
يعني لو بنكش ولو بنفرفر عليهم أي شي عاااااادي الحياه عندهم يعني ممكن يخوزوا وينخشوا ورى الغرف أو ورى الفيلا أو ورى ملحقي ☻ أو ورى ملحق المطبخ أو الميلس وهكذا ><
بس المهم ما يطلعون ....
أكثر من مره زختهم الخدامه وطلعتهم برع البيت بس ما شي فايده يردون يدخلون والمصيبه انهم يتزايدون بعد

انزين وين المشكله ............

سلمكم الله المشكله انهم من يأذن المغرب اييون ورى غرفتي و يصارخوووون أو يتضاربووون بطريقه وحشيه و حتى مواءهم مب طبيعي والله انه رعب ><
عاد أنا بروحي أزيييييييييغ و فديتهم عيالي يزيغون عسب جي ما أبين لهم اني زايغه و احاول أخلي الوضع عادي وأحتشر أوني على القطاو عسب ما أزرع الخوف في عيالي .. وأنا بروحي بداخلي بموووووووووووووووووووووت من الخوف

المصيبه انهم مب بس على المغرب يسوون هالحشره ... لااااااااااااا
الساعه وحده و ثنتين وثلاث .. يعني طول الليل نسمع مواااااااااالهم حسبي الله عليهم ☻
نفسيتي تعبت و أمس كنا كلنا راقدين وعلى الساعه 2 نشينا على صووووووت القطاو والله يصرررررررررخون بصووووووووت عااااااااااااالي ... تقولون حد مذبوح أو شي جذه ><
أعووووووووذ بالله والله قمت أشك انهم جن أو سحار الله يكفينا الشر ...
والله اني راقده وأنا لاصقه في ريلي واشوي بدخل فيه من الزيغه خخخخخخخخ
ويقولي شو فيج ارقدي وطنشيهم بس والله ما قدرت و أحاتي عيالي كان ودي اييبهم كلهم وأصفصفهم احذالي على الشبريه .. والله خفت عليهم ☻

أنا اليوم ناااشه وكلي نيه اني أجتلهم بسم أو كلاشن أو أي شي .. المهم أجتلهم وأفتك منهم ..
خلااااااااااص والله ما أتحمل هالتعب النفسي خلااااااااص ...

بليييييييييييز شوفولي حل ..
تراني صج ناويه أجتلهم بس ريلي يقولي ما ييوز وحرام بس قريت انه لو كان منهم أذى يجوز قتلهم و أنا مب بس متأذيه منهم الا بتييني حالة نفسيه أنا وعيالي فديتهم ><

و سلامة راسكم ^^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كانت عندنا نفس للمشكله وافتكينا تتصلين بلديه دبي ايبولج قفص للقطاوه وداخله اكلهم ومن
يدخلون يتسكر اتوماتيك وايون يشلونهم نفس اليوم اسمينا افتكينا قبل مخيسين المكان واكتشفنا ان الام ربت في دراجة ريلي مع اننا ملحفينها اتصلي البلديه وبتدعيلي

__________________________________________________ __________

>>>> الرد الثاني :
حااااااااسة فيج أختي هاي مأساة أغلبنا فالامارات

شوفي أنا مرة انترس بيتي منهم بس كانت أم مربية وعندها عيال شكثرهم

اللي سويته اني يبت الدريول وخليته هو والشغالات يزخونهم عشانهم صغار ويحطونهم بقرقور مال البحر وبعدين وداهم على البحر وخلاهم هناك والحمدلله افتكيت منهم

من صوبج انتي تقدرين تاخذين قرقور وتحطين فيه أكل واللي بيدش أجري عليهم هندي أو حد يوديهم عالبحر ويفتح القرقور هناك ويرجعه لج وهاجيه كل ماتلقين وحدة سوي نفس الطريقة والا ماشي حل ثاني

هالطريقة منتشرة عندنا كلناااااااااا لأنه حرام نجتلهم أو نسممهم فهاي أسلم شي

والله يفكنا منهم ومن الفيران والجلاب اللوعة

__________________________________________________ __________

>>>> الرد الثالث :

المشاركة الأصلية كتبت بواسطة هنهون
كانت عندنا نفس للمشكله وافتكينا تتصلين بلديه دبي ايبولج قفص للقطاوه وداخله اكلهم ومن
يدخلون يتسكر اتوماتيك وايون يشلونهم نفس اليوم اسمينا افتكينا قبل مخيسين المكان واكتشفنا ان الام ربت في دراجة ريلي مع اننا ملحفينها اتصلي البلديه وبتدعيلي



انزين أنا من الشارجه ...؟؟ يعني يستوي أدق لبلدية الشارجه يسوون هالشي بعد !!
بتصل باجر وبشوف ... لأنه أكيد بلدية دبي ما بيووني الشارجه ><

و تسلمين الغاليه على الافاده ^^


المشاركة الأصلية كتبت بواسطة LACNOR Lady
حااااااااسة فيج أختي هاي مأساة أغلبنا فالامارات

شوفي أنا مرة انترس بيتي منهم بس كانت أم مربية وعندها عيال شكثرهم

اللي سويته اني يبت الدريول وخليته هو والشغالات يزخونهم عشانهم صغار ويحطونهم بقرقور مال البحر وبعدين وداهم على البحر وخلاهم هناك والحمدلله افتكيت منهم

من صوبج انتي تقدرين تاخذين قرقور وتحطين فيه أكل واللي بيدش أجري عليهم هندي أو حد يوديهم عالبحر ويفتح القرقور هناك ويرجعه لج وهاجيه كل ماتلقين وحدة سوي نفس الطريقة والا ماشي حل ثاني

هالطريقة منتشرة عندنا كلناااااااااا لأنه حرام نجتلهم أو نسممهم فهاي أسلم شي

والله يفكنا منهم ومن الفيران والجلاب اللوعة



لاااااااااا ما أتخيل اشكثرهم جم بتم أزخ ؟؟ اذا جذا أنا كل يوم بوزع في البيت قراقييييييير و بتم أزخزخ في هالقطاو وبعد ما بيخلصون ... أقولج قطاوه الفريج كلهم ايوون بيتنا ؟؟ ليش ما أدري !!

ع العموم تسلمين على الفكره وبخليها احتياط اذا ما لقيت حل في البلديه !!

__________________________________________________ __________

>>>> الرد الرابع :
الغاليه دقي على البلديه وهي تيبلهم قفص مخصص وتشلهم وبتفتكين من ازعاجهم للابد

__________________________________________________ __________

>>>> الرد الخامس :