عنوان الموضوع : مشكلتي ويا خدامتي الأخيره,,,,,,أبا حل إلها أرجوووكن خواتي؟؟؟؟ اشغال سهلة
مقدم من طرف منتديات الضمير العربي

السلام عليكن ورحمة الله وبركاااااااته,,,,
خواتي,,, أنا من عرست يبت لي 3 خدامات,,, 2منهن اشردن إقبضوهن وسفروهن ولله الحمد !!!
بتقولون شو السبب,,, احنا عائله صغيره أنا وريلي وكنت حامل,,
فالبدايه يبت أثيوبيه ماعندها خبره علمتها كل شي والله يشهد أني مب مقصره معاها في شي,, لكنها نحيسه ماتبا تطبق اللي تعلمته مثلا كل يوم حارقه شي من الثياب وخص كنادير ريلي تخربهن المهم عاد ريلي وصل حده وقام يحتشر عليها وشردت,,, عاد أنا تميت أطبخ وأغسل والله العالم كيف كانت حالتي وكنت فالشهور الأخيره ((عاد تخيلوووووو الكرشه مع طاولة الكوي كيف))...خخخخخخخخ والله تعب ماحد حاس فيني ولايعلم غير رب العباد ,,الحمدلله على كل حال,,

وعقب يبت فلبينيه عندها خبره فالسعوديه كانت أوكيه وعلمتها الطبيخ وأمورنا معاها ماشيه تمام التمام,,, لكنها عقب مانقلنا كفالتها علينا كل يوم قامت تألف لي قصه عن ريلها و تصيح وتشتكي راسي يعورني أنا تعبانه عيالي ماعندهم حد ريلي راح وخلاهم والمشكله أني كنت توني مربي يعني محتايتنها ضروري وكل يوم مستشفى والا عياده وعقب قالت بسافر,,قلت لها مايصير ماكملتي سنه عالأقل,,, وأنتم خواتي تعرفون الفلبينيات كم يكلفن مخسرين عليها أكثر عن 5آلاف وتبانا نسفرها على حسابنا وماتبا ترجع بعد مايصير كذيه,, المهم قالها ريلي تبين تسافرين بمعاشج بنسفرج ما طاعت وشردت,,, لاحول ولا قوة إلا بالله,,

بنات الله يخليكن أباكن تريحني وتعطوني حل لهذي الخدامه الأخيره اللي بقولكن سالفتها ألحين,,



خدامتي اللي عندي ألحين أثيوبيه وطالبينها مسلمه عندها خبره بسيطه كانت مشتغله في لبنااااان وهنيه المصيبه!!!! المهم الأخت ماخذه أطباع اللي كانت تشتغل عندهم يعني فري واااايد عن اللزوووووووووووووووووووووم يعني كل ما أروح بيت هليه الأخت تقعد على كرسي وتحط ريل على ريل وترفع الجلابيه لين الركب ((بدون صروال))والله الشاهد على ما أقول أكثر من مره مسويتنها هالحركه,, وصدرها برا والله العظيم أني منقهره منها عمري ماتخيلت أن يكون أكبر همي خدااااااااااااامه,,وتخيلوووو خواتي والله العظيم ثيابها مطرطرات لين الركب من الأطراف أحس أنها هي اللي مسويه كذيه بالقصد والله أعلم,,,كم مره فهمتها قلت إلها احنا عرب ومسلمين عيب هالشي عندنا (على فكره خذتلها جلابيات غلاظ وصراويل وطبعا ملابس داخليه وكل شي الحمدلله) لكنها ماتبا تلبس أي شي منهم,,تبا تلبس اللي هي يايبتنه وياها,, خذتلها يونيفورم خدم ماطاعت تلبسه,,

يننتبي والله,, وفوق هذا كله مدلعه عمرها تحط مناكير وما تطيع (الله يعزكم) تنظف زواع بنتي لا تمسك ثياب بنتي الي موسخه فيهن!!! ((أنا الحمدلله قايمه بأمور بنتي كلها,,أسبحها,,ألبسها,,أأكلها,,وأغسلها,,يعني هي مالهاخص في بنتي,,بس لارحت بيت هليه أخليها وراها عند العيال,,ماريد أطول عليكن خواتي صارت أمور وايد ومشاكل معاها وخليت ريلي يدخل ويهزبها لكن مافيه فايده,,
رديتها المكتب وعطوها من الكلاام الحلو قالولها انتي مدام والاخدامه؟؟؟؟ مسويه عمرج ايتيكيت!! مافيه لبس غير اليونيفورم من اليوم ورايح لا والطااامه الكبرى أنها مب مسلمه طلعت مسيحيه!!!,, الحمدلله لبست اليونيفورم واصطلبت وصارت تنفذ الكلام بالحرف الواحد لكنها هالأيام تطنشني وتعصب على بنتي (بنتي هالشهر بتكمل السنتين) وتغايظها وتسوي حركات خايسه قبل ليوصل ريلي البيت,,مثلا تفتح جرار اليونيفورم (ظهرها نصه ظاااااااااهر وبدون ستيان!!!!)وتوقف في مطبخيه التحضيري,,يوم شفتها قلت إلها شو هذا بعد تقول توه تبطل أخترب ((معقووووووله في هذي الدقيقه توني شايفتنه مسكر)) رديت عليها يوم أخترب روحي تحت بدلي ثيابج عيب كذيه قاعده هنيه,,,

أوووووووووووووووف والله خواتي قاعده أكتب وأنا منقهره منها,, المشكله ماقدر أذلفها لأني حامل وكنت آخذ حبوب تثبيت يعني محتايه خدامه,,,, أرجوكن خواتي عطوني حل شو أسوي؟؟؟ الحمدلله أنا ريلي ملتزم ومايطالع الخدامه شو لبست ولا شو حطت لكن مهما كان أنا هالأشياء ماباها تصير قدام ريلي!!!

تدرون خواتي ريلي يقولي يمكن لأنج أصغر منها فماتخاف منج,,يعني مستصغرتني,,, يعني أنا كل ما بييب خدامه بتستصغرني,,, عيل أروح أييب وحده تحت العشرين عشان تحترمني وتخاف مني مينونه أنا؟؟؟؟لأني بصراحه توني أنا مخلصه العشرين مايصير بعد أييب خدامه أصغر عني تعيش مراهقتها عندي وتييب لي مشاكل!!!!
!!!!!!!السموحه منكن خواتي عطوني حل؟؟؟؟,,أدري طولت عليكن,, لكن والله لوبتكلم يالتفصيل مابخلص من هالخدامه الخايسه!!!,,

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج اختي
هالخدامات الواحد ما يعرف كيف يتصرف معهن.....
اذا مشى معهن بالطيب انقلبن ضده واذا شد عليهن شردن من البيت
شوفيلج وحدة جديدة يكون افضل

__________________________________________________ __________

>>>> الرد الثاني :
الله يعينج

__________________________________________________ __________

>>>> الرد الثالث :
الله يعينج والله الوحدة منا اتييب لها خدامه عشان ترتاح يقومون هم يرفعون لنا الضغط الله ياخذهم بس الصراحة لو أنا مكانج اسفرها الحين ما اخليها دقيقة وحده عندي في البيت شو هذي الخايسه تستهبل علي الصراحة تعب الجسد ولا عوار القلب هذا نصيحتي سفريها والله بييسر أمورج

__________________________________________________ __________

>>>> الرد الرابع :
ربي يعينج الغاليه بس انتي لو بتيبين مو مشتغله يكون أحسن ولا راعيات لبنان أكبر مصيبه انا شفتهم

__________________________________________________ __________

>>>> الرد الخامس :
حبيبتي سفريها ما سمعتي قصة بوكهانتس السمره شو سوت في راعي البيت سفريها احسن لج وهاتيلج سيلانية مشتغله في الكويت لو كبيره صدجيني فيهن حشمه شوي ويعرفن العادات والتقاليد الخليجية