عنوان الموضوع : محتاره ويا خدامتي الاثيوبيه تجارب منزلية
مقدم من طرف منتديات الضمير العربي

السلام عليكم ورحمة الله وبركاته
شحالكن خواتي

عندي خدامه اثيوبيه باقيلها شهرين ونص وتسافر
وهي مب لين هاك الزود زينه عليها حركات وتسوي ماشاكل وتضارب ومايعيبها شي وكله معفصه ويهها
ومايعيبها اني اراقبها يوم تشتغل ويوم اطالعها تقولي شو !

الله يكفينا شرهم وكل هذا وانا ساكته عنها تخيلوا بس !!
والله تحلم بوحده نفس معاملتي واحترمها بعد لانه هب مخلف علي عدم الاحترام وولا اعرف احط راسي ف راس حد

المهم هي كانت قايله انها بتسافر وبترجع لنا بس تعرفون يوم يسيرون مايردون وانا صارت لي هالمشكله من قبل
كانت عندي اثيوبيه كملت سنتين وقالت برد وانا رتبت كل شي من ناحيه روحتها وييتها وحجزت لها التذاكر بعد
وولا رجعت ويوم اتصل فيها ترد علي اختها وتسب وتقولي لاتتصلين مره ثانيه

والحين بصراحه انا مب مرتاحه لخدامتي ابدا وافكر اني ماأرجعها لانها دوم راسها قوي وماتتحاجا موول
ابا اسفرها قبل ماتخلص مدتها عشان تتادب لانه من جريب صايره مشكله بيني وبينها وترجتني عشان اخليها هالـ 3 شهور بس لاني قلت لها بردج للمكتب

وانا عندي امي حرمه عوده وعيوز ووايد اخاف عليها منها وامي مب من النوع اللي تتكلم اذا صار شي تخاف فديتها
شو تشورون علي كيف اوديها المكتب بدون لاتحس بشي

وشي ثاني .. الحين الجنسيات اللي متوفره الفلبينيات والاندونسيات وانا موول ماأرتاح لـ هالجنسيتين
انا ابا وحده تكون زينه ويا كبار السن
وااايد محتاره شو اييب وشو من الجنسيات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا من رأيي تسفريها قبل مدتها بس كيف إن شاء الله الخوات يفيدوج

__________________________________________________ __________

>>>> الرد الثاني :
الغاليه رأيي انج تصبرين دام حاليا فيه أزمة خدم ، أمس سرت مكاتب الخدم ، يقولون انه ماعندهم غير النيباليات والسيلانيات وهذيلا أكثرهم بوذيين حسب كلامهم ، وشفت أكثر المرتجعات سيلانيات ، يقول المثل خلك على مينونك لييك إللي أين منه ، أنا ماعندي خدامه من أربع شهور وتعبانه حدي وما أبغي لكم التعب

__________________________________________________ __________

>>>> الرد الثالث :
عليج بصلاة الاستخاره في كل امور حياتج

__________________________________________________ __________

>>>> الرد الرابع :
الله المستعان

__________________________________________________ __________

>>>> الرد الخامس :
السلام عليكم اختي يدتيه الله يرحمها كانت أمي حاطتلها اندنوسيه الشهاده والله حق كانت حنونه عليها
بعدين في خدامات كانو يعابلون ويراعون كبار السن
واذا انتي تشوفينها مش زينه رديها اذا لسانها طويل وترادد شو مصبرنج عليها الله بيعوضكم بوحده زينه
في فلبينيات قلبهم رحوم جدا