عنوان الموضوع : طيحة عزيز ولا وقوف إمتمايل قصيدة رائعة
مقدم من طرف منتديات الضمير العربي
هذي قصيده عجبتني وحبيت أنقلها لكم ..
أتمنى تنال أعجاب الجميع ,,
البارحه صبر وسفر بال وآمال
والحزن يرتع فالظلوع النحايل
تغيب ماغاب لك فالقلب تمثال
وتجي على طرق السهر والمثايل
امسيتني واصبحت في دوحة البال
واصبحتني وامسيت مانيب قايل!
ياللي غرامك رحله أقصارها أطوال
صارت وورتني نجوم القوايل
رح والله ان القلب لو لاك مامال
والحب يصنع فالقلوب الهوايل
الله يسامح حبة الخال والشال
والله يسامح بالبريد الرسايل
ماقلتلك مالك عذر يوم تختال
ولاقلت خصرك ذنبه انه تمايل
ماكل شئ اتشوفه العين ينقال
ولا كل برق ياعيوني يخايل
يلعن غرام يطرح اعقال رجال
ويلعن غرام يستبيح الاصايل
والهرجه اللي لازم اليوم تنقال
الوقت ذله والمصايب تهايل
وانته يابو صدر وسيع ومدهال
ريح معاذيرك ترى الشك زايل
انت العرب يوم العرب حالهم حال
وانا ضمير اليعربي والقبايل
لاتعتذر ماجيت ابى منك معدال
لو شلت مني منك مانيب شايل
جيت اشربك والعيد بارد ودجال
مهوب عيد المسلمين الاوايل
تقرى تبارك في صلاتك والانفال
واكثر صلواتك رياء وتحايل
دمك مثل دم الاضاحي ليا سال
مير القهر لاصار ماهوب سايل
عاد انت تفهمها ترى فالك اعقال
ماتقبل انصاف الحلول المسايل
أن كان ماناقف مواقيف الابطال
طيحة عزيز .! ولا وقوف إمتمايل.!
دمتم بحب ،،
عبير الشوق
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح السان شاعرها
وتسلم يمين ناقلها
قصيدة رائعه
دمت بووود
__________________________________________________ __________
>>>> الرد الثاني :
يسلموووووووووووووووووووووووووووووووووووو والله كلاااااااام جميل ,ابياااااااات روووووعة,,
__________________________________________________ __________
>>>> الرد الثالث :
وتسلم يمين ناقلها
قصيدة رائعه
__________________________________________________ __________
>>>> الرد الرابع :
الله يسلمكم جميعا ويسلمووو على المرور العطر
__________________________________________________ __________
>>>> الرد الخامس :
يسلمووووووووووووووووووووو صراحه قصيده حيل حلوه
وتقبلي مروري
رد مع اقتباس
