عنوان الموضوع : أموت و لا يخون قلبي و لو خانك توطيته .... قصيدة رائعة
مقدم من طرف منتديات الضمير العربي
أموت و لا يخون قلبي و لو خانك توطيته .... 
-------------------------------------
انا قبلك بلا معنى انا قبلك بقايا انسان
مسافر مالقى ديرة تعوض عن شقا بيته
غريبه صرت في قلبك أنا قصة بلا عنوان
كتبت الشعر من قلبي وبدم الجرح خطيته
غريبه هاذي الدنيا بها وافي وبها خوان
حسافه مامضى مني حسافه عمر امضيته
شكيت الحب على قلبي علامه حطم الوجدان
سألت القلب!! متى ياقلب؟ أشوفك صرت حبيته
كثير قلوب من حولك وأخبرك تعشق النسيان
لقيت الحب في نبضك وشعور صادق أبديته
لقيت الحب في نبضك زهور تنبعث ريحان
سكنت الحب في روحك وباقي الناس خليته
أنا جيتك أدور فيك مايروي ظما العطشان
لقيتك ظامي قبلي وظما قلبي أرويته
حفظت الشوق في قلبي ووصيته على الكتمان
لقيت الشوق في قلبك على قلبي وضميته
كتبت الشعر في وصفك قصايد كلها ألحان
لجل اوصل حشا قلبك كم مره تمنيته
احبك كلمه معناها شعور ممتلي أشجان
ابي اكون ذاك اللي باسم قلبك تبنيته
ابي عهد ووعد منك توفي لي بلا نكران
ووعد مني تكون اللي من اقصى القلب حبيته
أنا اسعد بشر عادي تولع في غرام أنسان
كتبت حبه على صدري ووسط القلب ضميته
بسافر في بحر حبك وابيك تكون لي ربان
اموت ولايخون قلبي ولو خانك توطيته
ابي أسكن وطن حبك ترا مليت هالاوطان
ابيك تكون ذاك اللي قصيدة عشق سميته
لكم ارق التحاايا
منقووووو:له
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
دائما نجدك تحلو اكثر فأكثر .. يعطيك لعافية وماقصرت نقل جميل ورائع الف شكر لك
تحياتي لك
__________________________________________________ __________
>>>> الرد الثاني :
مشكور يالغالي يعطيك العافيه
يقولون الشاعر مثل النبع مايجف
تحياتي لك
__________________________________________________ __________
>>>> الرد الثالث :
مشكور عالطرح الجميل والغريب اذا كان الدنيا بها وافي ومابها خوان تحياتي وتقبل مروري والى الأمام
__________________________________________________ __________
>>>> الرد الرابع :
صح لسان الشاعر
قصيدة جميلة
يسلمووو على الطرح
الله يعطيك الف عافيه
تحيتي لكم
__________________________________________________ __________
>>>> الرد الخامس :
صح لسان الشاعر
قصيدة جميلة
رد مع اقتباس
