عنوان الموضوع : قالوا ندور لك من البيض حلياه شعر جميل
مقدم من طرف منتديات الضمير العربي
يالله ياللي تسجد الخلق لرضاه
يا وامر خلقه على حج بيته
تفرج لمن سده على الناس ما ابداه
راضي على مقسومك اللي عطيته
من شي يسل الحال والجسم يبراه
والناس ما يشفون إن ما شفيته
قلت آه واجرحاه من خلتي آه
وان حملوني حمل غي قويته
قالوا سفا بالحال ويش اللي اغواه
قلت آه ويش المنكر اللي وطيته
قالوا جهلت وبان علمك لمنهاه
قلت آه علمي يا ملا ما كميته
قالوا طلبنا لك من الله معافاه
قلت آه وحدته وعفوه رجيته
قالوا هله واحباب عينه نصحناه
قلت آه هذا وارد ما بغيته
قالوا ندور لك من البيض حلياه
قلت آه لو غيره بكفي رميته
قالوا نشاش العود مالك بلاماه
قلت آه عود الموز بيدي لويته
قالوا من اقصى الناس وين انت واياه
قلت آه ما آنسى يوم جاني وجيته
قالوا نشوفه عند هذا وهذاه
قلت آه عمره ما عقب حجر بيته
قالوا عليل ناقل داه برداه
قلت آه باقرابي وروحي فديته
قالوا نشير ولا نفع ما حكيناه
قلت آه هراج النمايم عصيته
قالوا كثر شيبك وقلبك بعمياه
قلت آه لو قلبي غرير نهيته
مطاوع قلبي بعجفاه وقداه
والى عطى منهاج درب عطيته
ياناس خلوا كل وادي ومجراه
قلتوا كثير وقولكم ما لقيته
الشاعر
عبداللة بن سبيل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
[FONT="Comic Sans MS"]صح لسان الشاعر
وتسلم يمينك
يعطيك العافيه
تحياتي[/FاONT]
__________________________________________________ __________
>>>> الرد الثاني :
صح السان الشاعر
وتسلم يمين الناقل
و يعطيك العافيه
تحيااتي
__________________________________________________ __________
>>>> الرد الثالث :
الله يعطيك العافيه على النقل الرائع تقبل مروري مع تحياتي
__________________________________________________ __________
>>>> الرد الرابع :
صح بدنك اخي الناااادر
ومشكور على المرور والتواجد
ودمت بكل خيرررر
__________________________________________________ __________
>>>> الرد الخامس :
يعافيكي ربي خيتوووو مزووون
وشكرآ على المروووور
ودمتي بخير
رد مع اقتباس
