عنوان الموضوع : وجـلــســت أفــكــر فــيــك مــن غــيــر لــدري 000 شعر جميل
مقدم من طرف منتديات الضمير العربي
أشتقت لك يلي على البـال مريـت
وجلست أفكر فيك من غيـر لـدري
حاولت أسلي خاطري عنك وأزريت
قلبي معك مشغول لو قلـت مـدري
أنت الوحيد اللي من الناس حبيـت
وأنت الذي شوقك مع الـدم يجـري
تدري وش اللي حد قلبـي وغنيـت
ومن سبته ضيعت عزمي وصبـري
أنك معـي بالحـب ماقـط زليـت
ودايم على رايي وظنـي وخبـري
مهما كتبت أمن القصايد وسويـت
ومهما طرالي في خيالـي وفكـري
ومهما بحبـك بالمعانـي تماديـت
ماقـدر أعبـر ماطرالـي بشعـري
من بعدكم لانيـب حـي ولاميـت
عايش ولد العين في جـال قبـري
في خاطرك كلمه وأنا فيك حسيـت
بقولها لك وأنـت خابـر وتـدري
أعاهدك بلـي رفـع رايـت البيـت
ماخون حب عاش في وسط صدري
الشاعر : غازي المحيلبي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح السان الشاعر
ولاهنت عالنقل
بس الله لايهينك اتقيد بالقوانين ونزل مشاركتين باليوم
القسم ماهو لك تنزل اكثر من مشاركه فيه
__________________________________________________ __________
>>>> الرد الثاني :
آختيآر موفق خيو ‘‘
لآعدمنآك : ) ~
__________________________________________________ __________
>>>> الرد الثالث :
اسعدني مروووورش ناني ولا هنتي على الطله الرائع..!
__________________________________________________ __________
>>>> الرد الرابع :
صح لسانك ولسان الشاعر
جميل الطرح
وذوق رائع
وفقك الله
__________________________________________________ __________
>>>> الرد الخامس :
رد مع اقتباس
