عنوان الموضوع : @^ابرحل دامها ضاقت مساحات الأمل فينـي^@ قصيدة رائعة
مقدم من طرف منتديات الضمير العربي




احبابي اليكم هذه القصيدة والتي تعبر عن نفسها وقد اخترتها لكم من ديواني الخاص مع خالص التقدير للجميع



على رحلة شوامخ عزتي يم الفضارحـال
مدام ان الفضا واسع وصدر الكون يحويني
ابرحل والفجوج الواسعة تستهوي الرجـال
ابرحل دامها ضاقت مساحات الأمل فينـي
ابرحل وانت ياقلبي تعال وعانق الترحـال
تعال وخلنـا نبعـد ولانتـرك عناوينـي
تعال نسابق الخطوة ولو ان الدروب طوال
مدام ان الثمن عزة ولاغيـرك يخاوينـي
تعال وخابرك فوق النجوم العاليـه نـزال
تعال نقسم نجوم السمـا مابينـك وبينـي
تعال وخابرك مثلي تشيل من الهموم اثقال
تعال نجدع حمول الشقى عن كاهل سنيني
تعال وخلنا ناقف ولانطرد سـراب الـلال
ولا نتبع طريق اللي على الصدات ناويني
ترى بعض الشجر يابس ولابه للمقيل ظلال
تعـداه الرجـال اللـي يمرونـه مقفينـي
الا ياقلبي قعودك تحت شمس الهجير هبـال
تظلل عزتك وارحل وخل يديـك بيدينـي
تعال نخاوي الغربة ونسكنها براحـة بـال
ترى خوتك ياقلبي عـن العالـم تكفينـي

تحياتي
رفيق الليل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
قصيده رائعه حقا
طابت لي بكل أبياتها وحروفها
لا شلت يد من صاغها ولحن ابياتها
شكري وأمتناني لك اخي الغالي على
تلك السطور الفاتنه
لروحك جنائن الجوري
كل المنى

علاوي

__________________________________________________ __________

>>>> الرد الثاني :
مره روعه

صح لسانك احسك شاعر متمكن..

ننتضر جديدك.

__________________________________________________ __________

>>>> الرد الثالث :
تعال وخلنـا نبعـد ولانتـرك عناوينـي
تعال نسابق الخطوة ولو ان الدروب طوال


احذر تجيب العيد ياقليبي

والله يارفيق دووم متميررر ..

لا جديد ............. انت المبدع الوحيد ,,

وديي ومودتي لك / رفيق

__________________________________________________ __________

>>>> الرد الرابع :
يسلمو رفيق على هالابيات الاكثر من رائعه وتقبل مروري
عصفوره

__________________________________________________ __________

>>>> الرد الخامس :
ابرحل وانت ياقلبي تعال وعانق الترحـال
تعال وخلنـا نبعـد ولانتـرك عناوينـي
&&&
تعال نخاوي الغربة ونسكنها براحـة بـال
ترى خوتك ياقلبي عـن العالـم تكفينـي

صح لسانك وأعتلى شأنك
قصصصصصيده جزله

تستاهل اطلق تقييييم

تحياتي