بقلمي لا يفوتكم .. رواية .. ما همني زماني لو كشر أنيابه .. حماسية رومنسية روايات الخليج

[madiha]

عنوان الموضوع : بقلمي لا يفوتكم .. رواية .. ما همني زماني لو كشر أنيابه .. حماسية رومنسية روايات الخليج
مقدم من طرف منتديات الضمير العربي

ســــــلام جماعة الخير .. شحالكم ؟؟ عساكم طيبين .. حبيت أوريكم أولى رواياتي .. من جبين عرقي ( بحط على هالكلمة خطين ) .. اتمنى تعيبكم .. جاملوني واقروها .. انا اقول عنها حلوة وتستاهل حد يقراها .. ( هاي أولى مشاركاتي ) ..


....(( ما همني زماني لو كشر أنيابه )).....

بقلم : . O.o°•أسيل •°o.O


تعبت اعاند خافقي واقول ما ابيك .. وانت عيوني غصب ساكن نظرها .. واصارع اشواقي اذا حل طاريك .. واكذب على الجلاس واكتم خاطرها .. واقول ما اعرفك وانا ميت فيك .. والنفس كن الي طراك طعنها .. يا حياتي منهو بزينه يجاريك .. كل الحسان نجوم وانت قمرها ..


إهــــداء


هــدوء العاصفـــة


لكــ :


كـل السـنوات التي جمعتـنـا ..
تسـطـرهــا حــروف صــداقتـنا ..
وبـســمات نــرسلهـا في سـمائـنا ..


- رقة ابتسامة ..


لكــ :


لكـ انـــتي بــاقـــــة ورد ..
سيطغى رحيقها روعه قلب ..
لا تـــرد عــــمــــن طــــلـــبـــ ..


ولـــكـــــل :


لكل من أبصر همسي بين طيات قصصه ..
لكل من من علي بفضل ردوده ..
ولكل من بدر منه ابتسامة رضا بتشجيعه ..



(( ...........ما همني زماني لو كشر أنيابه.............. ))


موتــ
ان تجد الخيال يعانق الوااقع ..

حسرة
من علموا ولم يعملوا ..

اختناق
ان ترى احبابك تهوي بهم ريح اليأس

ألم
ان ترى المستقبل ولا تدري ماذا تفعل

إنها البدااية فقطـــــ ..


(( ........................................ ))



`•.¸¸.•´´¯`••._.• ((الــــحلقة ( 1) الاولى)) `•.¸¸.•´´¯`••._.•


شنو يكون شعوورك ونت تطالع بعيوونك أقرب أحبابك يأذيك ؟؟
ما كان لي إجابه لسؤالي لأني ذقت واقع حياتي المر .. واللي ما انتهيت منه ..

فجيت اعيوني أكثر ونا أطالعهم ..عانيت ونا أطالعهم بكل احـتـقـــاااااار واقفين جنب بعض .. وااحد منهم كاان لي لكن الثاني سلبه مني .. حسيت بالشرر باادي يطلع من عيووني وأنه هاليووم موليه ما يعدي على خــيـــــــر ...
صرخت عليهم بكل قوة .. وعيوني تحمل معاااني الكراااهيه .. العتب .. اليأس .. الصدمه .. طالعتهم وصرخه ألم ذاايبه بعيوووني .. كرهوني بهالحياه .. : أكرهكم ...... أكرهكم ...
يلعن اليوم اللي تزوجتو فيه .. أكرهكم .. أكرهكم .....

فتحت المجاال لعبرااتي تنهل ونا أطالعهم .. طاحت عيني بعيوونه .. كاان قريب مني .. فامتتدت كلاماتي الجارحه له .. تلومه لكل شي صااار .. لكل شي صاااير بحيااتي .. لكل شي يصير جدااااااام اعيوني. :

شنو اجرمنا بحياتنا تعاملنا جذي ؟؟ شنو ؟؟
شنو سوينا لك ؟؟
شنو سوت أمااااايه فيك ؟؟
أكرهك .. ماعاد ابي اجوفك بحيااااااااااااتي .. دام اني خسرت اماااايه لا تتوقع مني ويه ..

وانهرت اصيح بحضن أخـــــــــــــــــووي .. سبيلي الوحيد لأطلع احسااااسي .. فقدت أمااايه وفقدت بهذا كل إحسااااس مر وحلو ..

صديت الصووب الثااني وطالعتها والقهر يعصرني ..
وعفدت عليها بكل كل كلمه جااااااااااارحه ..

للشخص اللي قتل أمي ..

للشخص المتمثل جداامي

للشخص اللي ما بساامحه أبدا بحيااااااااااتي ..

للشخص اللي ذكرى خيااااله المره ما بتفارجني

للشخص اللي واااااااقف ينب ظل أبوي ... :

خسرت أمااااااااااايه ..
خسرت أمي .. امي .. أمي ..
كله بسببج .. بسببج .. ما كااافي خسرت أبووي .. خسرتيني بعدها بأمي .. انتي شنو تبين منا ؟؟ شو ؟؟
محد غيرج انتي وأبوي قتلها .. أكرهكم .. طلعو من حياااااااتي .. ودرووونا ..

رديت أطالع للي واااقف ينبها .. وصرخة ألم معتصرة بــعــيــووني .. صرخة تنتظر الدور لتطلع ... :
دمرتني أبووووي .. دمرت أمااايه ودمرتني .. خسرت أماايه وخسرتني بخساارتها ...

وانهرت ببقعتي أصيح .. بعد ما طالعت عيونهم الذبلانه .. بعد ما طالعت الحقيقة بعيونهم .. خسرت أمايه .. وهذي هي الحقيقة المرة اللي ما بتفارجني بسيرتي .. مالي سبيل غير اني اندب حظي بهذي الحياااة ..

بهااي الدنياااا اللي ما تسواااا .. وينج أمااايه ؟؟ .. وينج ؟؟

أماااااااااااااايه .. ببكيج .. وينج يالغالية ؟؟ ..

لا تخليني بروووووووحي شرااااات ما هدنا ابووي .. لا تخليني برووحي ..

أحتاجلج أمي .. ابي حضنج .. أبي حنااانج .. يما تكفين رجعيلي ..

لا تهديني .. ماقدر بدوووونج .. رديلي أمااايه ..

أمي ؟؟............

أمي ؟؟ ..........

ماماتيه ؟؟ .. دخيلج ..

لا تهدينا .. لا تموتين .. : جذابين ما ماتت .. امايه ما بتخليني ..

مشاري والدمعة محبوسة بعيوونه : ميس تكفين .. ارجووووووج ..

بغيت اسمع موااساه .. لكن الدمووووع الصااامته القاتله كانت سيدة الموقف : فكني .. فكني .. محد غيركم قتلها ..

عفدت صوووووووووب الباااااااب اركض .. ونا امسح دموووووووعي المنهله .. فريت كل شي جدااامي .. رميت كل شي ورااااااااي .. ما عدت أبا أكمل حياااتي مع ناااااااس أذوووني .. مع ناااااااس ما توقعت منهم اللي يصير .. مع ناااااس ما عاااااد أبي أسمع عنهم شي .. رميت كل شي ورااي .. وسديت اذني عن كل صووت يترجاااااااااني ........

مشاري : ميس لا تتهورين .. ميس .. ؟؟.. ميس ؟؟

ميس ؟؟


ميس ؟؟

ميس ؟؟

ميس ؟؟

ميس .. ميس .. ميس

أمي : ميس .. ميس ؟؟
امايه : مــــــــيــــــســــــــوووووو نشـــــــــــــــــــــــــــــــــــــي ..
أمااايه : ميس ؟؟ ميس .. نــــــــــشــــــــي من الرقـــــــــــااااااااااااااااااااااااااااااااااا ااد ..

شهقت بخوووووووووووووف : اااااااااااااااااااااااااااااااااااااااااااء .. هاه ... هاه ... هاه ... هاه ... هاه ... أمي ؟؟ .. وينها أماايه ؟؟ ...

صحيت متروووعه من الحلم اللي ذقته .. والعرق يتصبب من ويهي .. استندت عالشبريه مترووووعه .. مو داارية بحوليني ..

.. بسم الله الرحمن الرحيم .. أعوذ بالله من الشيطااان الرجيم .. استندت عالسرير .. وغشاااوه من الدمع غطت اعيووووووني .. امي .. امي .. أمااايه حيه ؟؟ شو صاير ؟؟ ...

ااااااااااااااااااااااااااااااااااه .. أعوذ بالله من الشيطاااااان الرجيم .. سمي ميس سمي .. مجرد حلم .. اماااااايه بخير وعافيه .. لا يكووووووون صار لها شي ؟؟ ..

مسحت دموعي بقهر بظهر يدي .. معقوله ذقت لحظاااات فقدت فيها أمااااايه ؟؟ ما أتخيل .. اووووو امايه بتكسر الباااب فوق راااسي ..

ربعت بسرعه صوب بااااااااب الحجرة اللي بينكسر بعد اشويه على يدين اماااااااااااايه ..

أمي تزاااااااااااااعج : ميس ؟؟ ميس ... ميييييييييييس ؟؟ ميس ؟؟

فتحت البااااااااااااب ولويت عليها .. اشتقت لحضنها .. بسم الله عليج .. بعيد الشر عنج امااااااايه

أمي : بسم الله من وين طلعتي ؟؟ روعتيييييييييني

طنشت كلامها ورصيت عليها أكثر .. ما أتخيل يصير شي بأماااااايه ..

ضحكت : كل ها غلاي ؟؟ كل ها حضن ههههه ؟؟ .. اشوي اشوي علي
امواااااااااااااااااااح : أحلى بوووووووووسه لأحلى أم ..
أمي : انتي شو فيج اليووووووم ؟؟ فكيني ..
فكيتها ونا اضحك : مشتاااقه احضنج ..
أمي : شو شاربه ابا أعرف اليوووم ؟؟ ساااعتين أحااااااتيج تفتحين الباااب .. وتطلعيلي شراااااات العفريت ..
ضحكت عتعليقها ... : شاربه ريدبول
امي تهز رااسها : وشنو بعد هذا ريدووول ؟؟
ضحكتني : ههه ريدبول .. مب ريدووول .. ها مشرووووووب
أمي : عافانا الله من الصبح فلسفه .. يلا .. خلي عنج السواااااااااالف .. يلا .. مدرسه
ونا داخله الحجره : ان شاء الله ..
أمي : يلا ما فينا تتأخرين .. الباص بيروح عنج
قلتها : زين يما .. زين

ااااااااااااااااااااااه ..

وراحت أمي عني .. فريت زلاغي بعيد عني .. ااااااااااااااااااااااااااااااه .. معقوووووله كنت متخيله ابوووي هو اللي قتل امي بالحلم ؟؟ .. لا ميس سمي بالله .. أبوووووووج يمووووووووووت بأمج .. مستحيل يسويها .. طالعت عمري بالمنظره ..

ااااه دمممممموعي هيه الوحيده الشي المعقوول في الحلم ههههههههه روعني هالحلم على اماااااااايه اللي نسيت شو صااار حتى فيه ..

ميس شوصابج ؟؟ .............

.. ها مجرد حلم .. مجرد أضغاااث أحلام .. أخر مره أنااام ما اقرا قرااان .. ما فيني اتروووع كل يوووووووم على حلم .. أكرهكم .. منو ؟؟ ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يــــــــــــــــــــــــــــــــــــــــلا انتظر ردودكم تــــــــراااااني بزعل وبسجنكم خخخ لا امزح يكفيني انكم تمروون على روايتي بس لا تحرموني من ردودكم ..

__________________________________________________ __________

>>>> الرد الثاني :

الحمد لله ذاكرت .. طالعت الساعة .. ياربي .. قريب وبندخل وقت المغرب .. ويييييييييييييييييييييييييييييي
انا ما مصلية العصر .. وشلون نسيتها .. المذاكرة شغلتني ..

دخلت الحمااام علطول وتوضيت
فرشت السيادة وصليت ..
عقب ما خلصت .. طويت السيادة .. وظهرت من الحجرة .. ونزلت للحوي .. أغير جو .. قعدت بالكرااااسي .. والهواء يضرب بويهي ..

اليوووووووووم الجووو جناااااان بصراحة .. يكفي الهواء الباااااااااارد ..

يلا بيأذن قريب .. احب أكون بهالوقت براااا .. اطالع وقت الأصيل .. الحين بتغيب الشمس .. لليلة يديدة .. .. مسكت الكتاااب اللي قااعده أقرأ فيه .. تلوعت .. كااافي كتب .. ما يكفي كتب المدرسه ..
هههههه أوني مثقفه العااااايله .. الوحيده اللي تحب تقرأ ..
مدري على منو طاااالعه .. رغم انه ميووولي علميه .. بس كثير أحب أقرأ بالأدب .. يلا ميس .. اتعفنا من الكتب .. القراااء أحينا ما يفكروووووووون بالكتب والأدب شراااااتج .. وحليلج .. خخخخ

طالعت المسبح .. أذكر مرة وانا صغيرة .. خذيت صيصان الدياااي .. وجتطيتهن بالمااااي .. اوني اسبحهن .. هههههه .. احلى طفولة .. طبعا .. لأنا سكنا مع قوووم عمي .. وحشتني مروووة الطفسة .. بتصل فيها بعدين ..
ااااااه يأذن .. ما قعدت كثيير .. يلا بدخل .. ما زين اقعد براا بهالوقت .. زين غيرت جو .. احس ركبي يعورني من جلسة الكرسي ..

دخلت للصالة .. قابلت أمايه .. بست راسها ..

امايه : ذاكرتي ؟؟
رديت : ايه
امي : الله يوفقج ..
رديت : امين
امي : اذن ؟؟؟
ميس : ايه ..توني دخلت عقب ما اذن
امي : عيل خليني اقوم اصلي
انا : يتقبل الله ..
امي : منا ومنكم ..

حسيت بأمااايه هاااديه مب جنها كااانت محرجججه ومفووووله .. شكله مشاري قدر يهديها ويقنعها ..
قمت لداري .. وصليت ..

فتحت اشوية اللابتوب .. اتسلى اشوية ومن بعدها برد اذاكر .. الله وأكبر على تسليتي .. مالي حااجه فيه غير اني أكمل أقرأ روااايات ..
طالعت موبايلي .. وحشتني مروة .. بتصل اشوية اسأل عنها .. من زماان ما أسمع حسها .. من الاسبووع الماضي .. احينا بتقولون .. الاسبوع الماضي ؟؟ .. اشوية .. بس تراني كثير اشتاق لحبايبي المقربين ..

دقيت على رقمها .. اوهو .. ما ترد .. ها تلفونها بلا فايدة .. كلما أتصل .. يا مشغول .. يا ما ترد .. يا خارج الخدمة ..

بتصل عليها مرة وحدة وبس .. ان ما ردت خلاص .. ابروحها تتصل فيني .. دقيت مرة ثانية .. ما ترد ..
ابي أكلمها بيسافروون عقب يومين .. باجازة نص السنة وما عاد بقدر حتى أودعها غير بالمطااار يمكن .. وحشني صوتها .. ما عليها .. خليها اهيه تتصل .. المشكلة انه بيتها اشوية بعييد .. فما دايما نتجاوف .. خصوصا هاي السنه .. عساس أخر سنه النا في الثانوية .. ويبالنا انشد حيلنا عشان النسب ..

فيني رقاااد .. سهرااانه البارحة .. بنزل اتعشى وبصلي وبذاكر اشوية وبنخمد .. تثاوبت .. يمكن بعد ما اذاكر من التعب ..

اتمنى البارت يكون عيبكم .. لا تحرموني من ردودكم .. ولا تراني ما بحط بارت ثاني ..

__________________________________________________ __________

>>>> الرد الثالث :

يا هلا مررة ثانية .. عودة اخرى مع باقة باراتات ثانية خخخ .. (اشكر كل من ساهم في الردود ) أصلا محد رد علي هىء هىء .. حرام عليكم .. احد يشعجني ..شكلي بسجن كل أعضاء هالقسم ..
هاذي تكملة البارت الثاني



..$* (( ــــ الــحـــلـــقــة . 2 . الـــثـــانـــيـــة ــــ )) *$..



~ لو يطلب اعيوني عطيته ما عندي فدوى ويفداه ....
.... أقول لبيه وفديته ما دام صار القلب يهواه ~


ها جرس البااااااااااب .. منو بيكووووووون ؟؟ .. يمكن مشاري راد من المسيد .. خليه ما يطلع .. يمكن يقدر يطلعني مكاااان ..

كنت قاعدة أمشط شعري الطويل .. نفسي ادخل في مسبح سااااخن يريح فوادي اشوية من هالنكد اللي عايشتنه .. يا مذاكرة يا نايمة يا أتابع التلفزيووون .. يا تسوق .. يا ليت يكوون فيه شي ثاني يحمسني من هالملل اللي انا عايشتنه ..

من زمااان ما تسوقت .. ما احب المولات وهاي الاشياء .. من كثر نغزات الناس على جسمي .. رغم اني أجوف دايما اللي أسوأ بس الناااس كلش تذم كل شي ..

سمعت دقة البااااب

قلت علطول : من ؟؟
سمعت صوت البشكارة : مدااام .. في بابا سعيد ييجي ..
رديت : اوكي .. احينا بيي

وما عاد سمعت ردها .. ها عمي ياي .. كنت أحسب أخوي .. شكلها مروة مب ياية .. لانه من العادة تييني فوووق لداري ..

لبست شيلتي .. اروح اسلم على عمي الوحيد .. أخو أبوووي .. يا رب يكون راشد يااي .. اجوفه ولو من بعيييد .. زين ايو عندنا .. قبل لا يسافرووون ..

طلعت من الغرفة بعد ما سكرت الليت .. ونزلت لين تحت ... جفت عمي وحرمته ومعهم راشد قاعدين بالصالة مع أمي .. سلمت على عمي وحرمته وبست راسهم .. كنت مستاااااااااااااااااااااانسة حيل بجوفة رشوووووود
.. سلمت عليه من بعيد ونا اقعد بالكرسي ..

كثييير كثييير متغير .. بشكل كبير .. صار أحلى .. شكله الجو ببريطانيا مغيرنه .. بس مبين عليه مغرووور .. لاه لاه .. انا اعرف راشد .. انسان طيب وخلوووق .. ومتواااضع ..

صار لي هااي المرررة الثااانية اللي أجووووفه من بعد ما رد من السفر .. جم سنه ياربي ما جفته ؟؟ ااه ثلاث سنوات .. رد من ثلاث أساااابيع بس ترااني امــــووووت عليه .. خخخخ ما خبرتكم بهالشي .. ايه راااشد يكوووون حبي الأول والقديم وللحين أموووت عليه .. بس شو بيعطيني أنا الدبة ويه ؟؟ مالت على حظي ..

تفاجأت من صوت عمي اللي خلاني اصحى من أحلامي .. ولا أنا كلي بويه راشد ..

عمي : شخبارج ميس ؟؟ شلون الدراسة ؟؟
رديت بحياء : الحمد لله .. كل شي تماام .. ونت عمي ؟؟ .. شحالكم ؟؟
عمي وحرمته : ابخير دامج بخير ..
سألت : عيل وينها مروووة ؟؟
ابتسمت حرمة عمي وجاوبتني : ما يبناها ..

كنت بتكلم بس صخيت من حيائي من راااشد .. كنت متوقعة منه يسألني عن أخباااري بس ما رمس ..
اااااااه .. انا احب انسااان مستحيل بيوم يرد لي بطرف عينه ..

بروح المطبخ بيييب فوالة .. ها هو مشاري واصل ..

دخلت المطبخ وسكرت الباااب من ورااااي

سمعت صوووت فجأة من وراااااااااااااااااي
بـــــــــــــــــــــــــووووووووووووووو

نقزت علطول وصرخت من الخرعة : اااااااااااااااااااااااااااااااااااااااااااااااااا ااااااااااء
مروة : ههههههههههههههههههههههههههههههههههههههههههههههه
لفيت أطالعها .. طلعت مروووة الطفسة .. ضربتها بكتفها .. ونا أشاهق من الخرعة .. روعتني ..
مروة : ههههههههههههههه لو جفتي شكلج ههههههههه
قلتلها : تبين اتذبحيني انتي .. قلت بخاطري يا روح ما بعدك روح يالهرم ..
مروة : هههههههههه سوري .. لقيتها فرصة ههههه
طوفتها .. هاي الملسوونة ما تحب تجوفني الا اتناقز طوول الوقت من مقالبها : جذي سلامج ها ؟؟
اونها عااااد يت تلوي علي .. تو تفيجت ... : سوري .. حقج علي
ميس : شحالج ؟؟ .. وحشتيني حييل ..
مروة : بخييير ربي يعافيج .. والله اشتقتلك كثييير
ضربتها بجتفها : بااااااين .. من زووود ما تتصلين .. وينج عن تلفونج ؟؟
مروة : عذريني .. بس تراااني ضيعت تلفوني بالبيت ..
قلتلها : كالعادة .. اقول تلفونج ضايع ولا مو ضايع .. اهو بلا فاااايدة ..
مروة : فاضية بعدج تهزبيني على موبايلي .. إلا أقول .. شلون الدراااسة والمذاااكرة ؟؟
رديت : إلا نــــــــكـــــــــد .. ارجووج لا تسألي عنها .. لوعتلي جبدي ..
مروة : ونا بعد .. احاول اني اذاكر طول الوقت عساااس ما تفوتني المذاكرة ونا مسافرة .. وبعدني بذاكر بالسفر ..
سألتها : جم يووم بتيلسووو ؟؟
مروة : وين ؟؟
جاوبت وانا اتطنز : وين يعني .. ببيتنا ؟؟ طبعا اعني فبروناااي يالهرم ..
مروة : اااااااهااااااااااااا .. يمكن ماااال ثلاث اسابيع واذا اكثر .. بيكوون طوووول الاجازة ..
قلتلها : تهنيو .. الله يسعدكم ..
مروة : اميييين .. الا .. شو رايج تييين ويانا ؟؟
رديت وانا تطنز : تبييين امي تذبحني قبل مشاااري ؟؟ .. ولا قاعدة تنكتيين انتي ؟؟
مروة : شو فيها ؟؟ ما رايحة مع احد غريب .. رايحة ويا أهلج .. احنا شرااات اهلج .. ولا تستحين من رشوووووووود ؟؟
تنهدت : لا بس تعرفيين مشااري .. ونتي عندج راااشد .. يعني .. ولا بالاحلااااااااااااااام ..
مروة : وناااسة بتكون لو ييتي ..
ميس : الايااام الياية .. الا سمعت ابوي لما كان يااي أخر مرة .. يرمس ابووج .. احتماااال انرووح اسبانيا بالاجازة الصيفية .. فبيتنا القديم هناااك ..
مروة : اتمنى .. تذكرين أول زمااان ؟؟
رديت : ايه .. كان معاناة لين اتعلمنا الاسبانية .. بس فادنا بالانجليزي .. أحلى سنتين بصرااحة ..
مروة : اييييه .. خلا انرووح ويا اهلنا ..
قلت علطول : امـــبـــيـــه أنا ياية اسوي الفوالة ونتي نسيتيني .. تعالي ناخذها ..
مروة : روحي سبقيني .. تو بيي بشرب ماااي .. خلي الفواكه .. انا بيبها
رديت عليها ونا بطريجي : اوكي ..

طلعت وخذيت اللي بيديني لوين ما قوم عمي سعيد قاعدين .. طالعت راااشد .. ابيه ولو بنظرة .. يفيسني .. تبعتني مروة عقبها .. رحنا لحجرتي .. قعدنا انسووولف .. ونا العب بشعري ..

كنت أستمع لكل سوالفها .. من مقالب وأخر سوالف المس مروة .. لين ما زقرتني بنبرة حزن .. طالعتها .. مو لانها زقرتني .. لاني اتنبهت انه نبرة صوتها اتغيرت ..

مروة : تدرين اني انخطبت ؟؟
عدلت بيلستي .. وفجيت اعيوووني وصرخت بكل قوتي : مـــــــــــــــبــــــــــــــــــــــــروووووووو وووك
مروة بنفس النبرة : الله يبارك فيج .. بس ما تستغربين اني انخطبت بهالسرعه ؟؟ يعني بعدني ما خلصت أخر سنه لي ؟؟
هزيت راسي : ممممم شوية ..
مروة بأسى : الله يعيني ..

غمضتني نبرة صوتها .. حاااسة بيها شي .. اكيد بالسالفة ان ..

سألتها : منو تعيس الحظ هذا ؟؟ ههههههه اللي رضى فيج خخخ ؟؟
فرتني بالوساادة : اتا تعيسة الحظ مب هو ..
استغربت منها تمااام الاستغرااااب .. لاحظت عليها سكتت .. اتقربت منها ولويت عليها : مروة ؟؟ حبيبتي اشفيج ؟؟
مروة : ماكو فيني شي ..
قلتها : عيل وشحقه مرة وحدة انقلبتي ؟؟ شو صابج ؟؟ متعلقة السالفة بخطبتج ؟؟

هزت راسها ..

كملت : منو ؟؟ .. منو اول شي ؟؟
ردت على سؤالي : حمد .. ولد خالوه نواااااال ..
بديت اخمن بالساااالفة .. شكلهم بيغصبوها توااافق عليه : وشو السالفة ؟؟
مروة : علمي علمج اني ما أطيقه ولا اطيق وحده من خواته .. ما ادانيه .. رفضت .. بس بيغصبوووني عليه .. خصوصا هالراااشد .. ما على كيفهم ما على كيفهم .. انا اللي هاتزوج مب هم .. هاااي حياتي اني .. ليش يدخلون بقرااار حياتي ؟؟
لويت عليها أكثر : انتي حاااولي ويا أهلج باللين .. تماام ؟؟ والله يوفقج .. وان ما صار .. ارضي بالنصيب .. يمكن غلطتي لما حكمتي عليه ؟؟
مروة : انتي تعرفينه حمد ميس .. واعتقد فهمتي قصدي ..

سكتت : .......................

شوا قولها احينه ؟؟ اكره هاااي الحركاات .. لما الاهل يغصبوووون الواااحد على شورهم بدووون سبب .. شو احنا .. بزمن العبوووديه يعني ؟؟

اعرفها مروة .. ما أدانيه حمد من يوووم صغير .. وبالكثييير تسلم عليه .. اعرفها .. وااااااايد تخاااااااف منه .. رغم انها ما كانت تبين .. كانت أتحب تهاوشه .. ااااااااااااااااااه .. بس الله يعينج مروه وحليلج ..غمضتيني كثييييير ..

قلتها وانا اقومها : يلا خلا .. ما حلوة اقعد اهنيه وعمي وحرمته تحت .. يلا .. نمشي
مروة : ايه ..

قلتلها أغير الموضوع وافرفشها اشوية ..

تكلمت بعد تفكير .. لاني اعرف انه كلامي بتقلبه طنازة .. بس يالله .. اذا عالاقل بتنسى الموضوع ..

: والله رشود يزيد حلاوة عن كل مرة اجوفه .. والله فيه رحاامة تهبل ..
طالعتني مثل الهبلة .. انفجرت تضحك .. : ههههههههههههههه .. مدري يالبغام شو تحبي فيه هالراشد هههههههههه ما من زينه .. قلت بيسافر بتنسيه ههههههههههههه بس بعدج
شهقت : مستحيل انساه .. كل شي فيه يجري بعرووقي ..
مروة : يا عيني عالرومنسية .. ما نرووم ما نروووم .. يا حظه اخوي فيج مع إنه ما يستاهل ..

طنشت كلامها لأني عارفة إنها قاعدة تحرق اعصابي ..

ضحكت لأنها فهمت المغزى من سكوتي : فديت المنقهرين .. اطمني اطمني حبيه على كيف كيفج انا مالي خص ..
رديت عليها : ما برد عليج ياللوتية ..
مروة : يعني دحين من جفتيه .. حبيتيه اكثر ولا شو ؟؟
رديت : إلا زدت عشق فيه ..
مروة تتأفف : مالت عليج وعليه ..
تنهدت بتعب ونا اعيد صورة لنا وحنا صغار : تذكرين أول مرة خابرتج فيها إني احب رااشد ؟؟
مروة بملل " مممممم لاء ..
تكلمت بهدووء : يوم عمرنا تقريبا عطينا 11 وهو عمره 16 رادين من المدرسة ومريتو علي بمدرستي عسب غدانا كان معكم .. كنت راكبة السيارة ونا احبس دموعي بسبة امتحان خبصت فيه ويبت درجة زفتة مع إني كنت مذاكرة .. المهم تم يحاول يشيل ذكرى الامتحان من بالي ويحاول يسكتني .. اشترالي حلاويات عسب اسكت .. ونا استانست وحبي له زااد .. ساسرتج بالسيارة وخبرتج إني أموت عليه .. ما تذكرين ..
مروة تفكر : مممممم لاء .. لأنه في وايد مواقف اجووف حبج بعيونج .. حشى عيونج دووم تفضح حبج .. اخااف اخويه بس يشك لأني حاسة إنه يعرف ..
شهقت : لا يما .. بموووت .. بيفكر في انه وحدة دبة شراتي تفكر منه يعطيها ويه ..
مروة تبا تسكر الموضوع : ما يعرف ما يعرف .. يوم إنه يشك أنا اصده ..
ارتحت شوية : زيــــن بعد

سكتنا ونا سرحت بذكرياتي اللي تجمعني معه .. من كثر المواقف اللي تبين عطفه علي ما اقدر احصيهن ..
صحيت من افكاري عصوت مروة ..

مروة : وين رحتي ؟؟ اهااا في بااال رشوود ..
رديت علطووول منحرجة : معاااج .. انروووح يلا ..
مروة : اوكي

طلعنا من الغرفة .. ونزلنا تحت عند قوووم عمي .. رحت المطبخ أسوي أشوية عصيييييير .. واجوف العشى اذا جهزنه البشكارات ولا لاء ؟؟ .. حطيت العصير بصينية عساااس اشيله .. فجيت اعيوني لما جفت رااااشد داخل المطبخ .. عدلت شيلتي .. بس شكله خلاني اروووح ويا أحلامي .. كل شي فيه يهبل .. بس .. ليش جذي رااافع رااااااسه ؟؟

انتبهت لنفسي اني بعدني وااااقفة أطالعه .. طوفته .. ورحت صوب الباااب .. ابي احدر للصالة .. تفاجأت من صوته

راااشد : ميس ؟؟
صديت أطالعه : لبيه ..
راااشد : وين ثلاجة الماااي ؟؟
أشرت على ممر قريب ونا محبطة : اهنيه ..

طلعت .. قهرني انه ما رمسني بشي جاااايد غير المااااي .. عالاقل يسألني عن أحوالي أخباري .. شو أسوي .. لما الواحد يعشق ويحب .. يتمنى كل شي لصالحه بس ما يحصل إلا العكس ؟؟

خلصت قعدة قوووم عمي ,, ويا وقت الروحة .. لويت على مروة بقوووووة .. وبست راااس عمي وحرمته .. وطاااالعت رااااشد بنظرررة ودااااااااااااااع ..

زين محد منتبه لي ولا انا شااااااااااااااااردة في ويه راااشد .. ااااااااااااااااااااااه .. خليني اتعشى وافك عمري وانااااام ..

تعشيت مع أمي ومشاااري .. وودعتهم .. لاني بروووح أنخمد ..

رحت لداري .. وغيرت ثيااابي وصلييت العشى .. مسكتلي قراااان .. اقرأ اشوية .. شي يريح فوادي ..
حسيت بالراااحة وبالنشوة وانا أقرا .. سكرت الختمة وبستها .. وحطيتها بصوووب ..

حطيت رااسي على الوسااادة .. وغفلت لنوووومتي .. وما عااد سمعت صووووت عقلي .. يعني أنخمدت خلاص ..


.................................................. .................................................. .....................................



حطيت إيدي على المنبه .. مادري ليش اشتريته داااام انه بهالازعاج ؟؟ اوووووف .. سكرته بكل رقة وبسرعة .. نشيت علطوووول من السرير .. اليوووم يمكن بداوووم كأخر يووووم قبل الإجازة .. عادي بااااجر أغيب .. لا احسلي اروح .. شو بسوي بالبيت ؟؟ بيكون نكد ..

يلا برتب السرير .. كنت قاعدة أغني على إغنية الفناااان ( ) .. أستغفر الله .. توني قايمة وبدل ما أدعي ربي .. قاعدة أغني أستغفر الله .. سمعت دق البااااب

سألت : منو ؟؟
أمي : يلا ميسووووو .. نشي
صرخت بكل اللي عندي : نـــــشــــــــــيـــــــــــــــت ..
جفتها تزاااعج : أخووج مسولنا حشرة .. نشي جوفي شنو يبي بعد ..
فتحت الباااااااب : صباااح الخير يما .. وبست راسها ..
أمي : صباااااح النوووور .. جوفيه أخووووج .. شنو يبي .. مادري .. اونه مضيع فاااايل ..
رديت ونا أدخل : ان شاء الله ..

حلوة هذي .. مشارري مقيم البيت على حشرته وصرااااخه .. بسكر البااااب ..
لفيت أبي أسكر البااااب .. شنو يسوي ها بعد أهنيه ؟؟ وشحقه رااز بعمره بدااري ؟؟

قلتله : صبااااح الخير ..
رد علي بدووون ما يطاااالعني : صباااح النوووور

وقعد يفتش بغرفتي .. هاللي قاااااااااااااااااااصر بعد .. سلامه مثل ويهه .. وما معطني ويه .. وإلا بعد يفتش جداااام أعيوووني ..

دزيته : إطلع برااااع ..
طوفني .. صرخت : مشاااااااااااري إطلع برااااااااااااااااااااااااااااااااع

تكلم لما تفيج عاااااااااااااد

مشاااااري : سوري يالغالية .. الغبية سيتي مادري شو اللي مدخلنها مكتبي تلعب وتخبص فيه .. جفتيه الفاااايل ألازرق ؟؟
رديت : لاء .. عالاقل أستأذن ..
باسني برااااسي : سوووووووووووري ..
قلتله : وشو خص فااايلك بدااااري ؟؟
مشااااري : انتي تعرفينها سيتي .. والله لأسفرها .. تبي ما تبي ..عرفنا عنيدة وهبلة بس ما مثل بقية البشكاراااات .. وجع ..
دزيته برااااه الحجرة ... : يلا أبي أتجهز .. خليني بحاااالي
مشاري : انزين بعدج جوفيه الملف .. ضرووري فيه شي مهم
قلتله : انزييييييييييييييين حشرتنا ..
مشااااري : جوفيه .. ضرووووري
هزيت رااااسي ونا اسكر باب الغرفة : انزين .. انزين .. يلا فكني ..

ورااااااااح .. من الاشياااااء اللي خلت مشااااري كبير بعيني .. تحمله للمسؤلية .. يعني أبووووي دايما مسااااااااااااافر .. فمحد مقيم البيت غير أخووووي .. حتى قبل لا يخلص الثانوية .. من بعد ما خلص الثانوية .. دخل بشركة العايلة .. مالت أبوووي وعمي .. اللي ورثوها عن يدي الله يرحمه .. وبعدين فتح لنفسه شركة تابعة لشركة أبووووي وعمي ..

اييييييييييييييييهيييييييييه بتأخر عن الباااص .. خليني ادخل اسبح .. احسلي من هالقعدة ..

__________________________________________________ __________

>>>> الرد الرابع :

جهرت عمررري كعاااادتي .. ايه صح .. بذكر مشاااري يطلعني اليوم .. يعتمد على مزاااجه .. شكله سالفة سيتي بتستمر لين بعدين .. احيااانا أحسها تستااااهل اللي يصيرلها .. شنو بعد معجبة بأخوووي .. عااااد ما تقترب له لهاااي الدرجة .. بس شكلها اليوووم مخبية الفااايل ماله انتقاما من أمس ..
خذيت جنطتي .. ونزلت تحت ..
لقيتهم قاااعدين يتريقووو .. وينتظروووني وشكله مشاري حصل الفايل ماله ..

قلت بنشااااط : صباااااااااااااااااااااااااااااااااحكم ورد
مشاااري : صبااااحج فل ..
أمي : صبحج الله بالخير يما .. تعاااالي قربي .. خذيلج ريوووووووووق .. سويته اليووووم بروووحي

بيلس أكيد دااام أمي مسوية الإفطااار .. دايما أحس عمري مشتهية لما أعرف انه أمي طاااابخة ..
خذيت مكاااني المعتاااد بين الكراااااسي عطاااولة الطعاااام ..

سألت أمااايه : ماما .. فيه علبة حلاوة باتشي أو جالكسي ؟؟
أمااايه : جوووفي بالمطبخ .. ليش ؟؟
جاوبتها : معنا اليوووم .. استاذة رااادة من أجازتها .. وودي أعطيها شي بسيط عالاقل ..
مشاااري : فااااضية أنتي والله ..

طوفت تعليقه .. انت اللي ما فاضي تبين ذوقك ..

مشاااري : بروووح أشترري اليوووووووووووم تذكرة لهاااي الطفسة سيتي ..
أمي : حراااام عليك مشااااري ..
مشااااري : أمااايه .. انتي لو عااارفه شو مسوية .. بتسفرينها اليوووم قبل بااااجر ..
أمايه : زين شو مسويه .. ؟؟
مشاااري : بعدين مو احينه ..
قلتله : لا والله .. اتقوول مسوية شي .. وبعدين أتقووول مو لازم اتعرفووون ..
أمي : قول شنو مسويه ؟؟
عادت نفس موالها : مشااري .. شو مسويه ؟؟
مشااااري : هااااي الواااطيه مدخلة هندي بحيرتها .. يتني وحدة من البشكارااات تخبرني .. وبعدين .. تدلع عندي الغبية .. بس خليها .. ساكت عنها ..
شهقت أمي : أحلف بس ...

فجيت أعيوووني .. ما ألووومه مشااااري عيل .. خسفة هذي .. مدخلة رياااال للبيت ..
خلانا نسكتت أنا وأمي

مشاااري : أحينه قولولي حرااااااااااام عليك مشاااري ..
أمي قامت : وينها هااااي الوااااطيه .. أخليها تطلع على كيف كيفها .. وجذي أتسوووي
مشاااري : خليها .. خليها أمي .. اتحمليها اليووووم .. بسفرها ..
أمي : استغفر الله العلي العظييم .. الله يعافينا من بلواااها .. هاااي كااافرة .. المفروووض أفرها أحينه براااع البيت ..
مشاااري : يما .. خلاص .. اليوووم بسفرها ..

تنهدت .. تستااااااااااااااهل .. لو بدل مشاااري .. فريتها برااااع البيت .. مع الهيئة اللي حصلها .. يلا بروووح .. الباااص بيي بعد اشويه ..
ودعتهم وهم على حشرتهم .. وطلعت للحوي .. قابلت البوااااب عمي كريم .. شاااايب عيووووووووز

سلمت عليه : السلام عليك عمي ؟؟
رد السلام : وعليج السلام بنتي .. شحالج ؟؟
رديت ببراءة : ابخير ربي يسلمك .. ونت شحاااالك ؟؟
جاوبني : بخيير يما بخير .. الله يعافيج
سألته : شخبار ريم ؟؟ ( بنته المتزوجه )
البواب : الحمد لله بخير .. تسلم عليج
قلتله : الله يسلمها .. سلم عليها
رد علي : ان شاء الله يوصل
قلتله ونا أمشي : يلا مع السلامة .. الباااص ايا ..
عمي حمد : داري على عمررج ..



ما سمعت كلمته .. لاني كنت راااكبة البااااص .. هالسااايق امتى بيفكنا من نظراااته ؟؟ ما من زين اعيونه يعرضهن للعالم .. ها هي روااان .. محد ينبها .. بروووح أيلس معها ..

سلمت : السلام عليج ...
ردت علي السلام : وعليكم السلام .. هلا بالحلوة شخبااارج ؟؟
رديت عليها وانا اتثاااوب : عااااايشيييييييييييييييييييييييين
روااان : عاااشت أيامج .. ناقصتنج المخدة هههههه
رديت : ههه تراااني أحب شي اسمه نووووووووووووووووووم .. بس ماني وحدة أنااام كثير ..
رواااان : سمعتي أمس شنو مسوية أمل ؟؟
هزيت براااسي بمعنى لاء : شنوا مسوية الملسووووووووونة ؟؟ كل يوم بلوة
روااان : أمس حضرتها هااااربه أو ممكن انقووول حاولت تهرب من المدرسة بس ما قدرت .. الحارس جافها .. ومسكوها .. المهم قعدت المديرة تهزبها .. عااااااااااد أمل أهنينه ما تحملت الإهانه مثل ما تقووول .. وخذت جوتيها ورمته بويه المديرة هههههههههههههههه .. والله لو تجوووفي الحاااااااااااالة وحاااااااالة المديرة .. صااارت هواااشة بالأيادي ..
فجيت أعيوووني : ههههههههههههههههههههههههههههههههههه عاااااااااااااااااد أمل بااااااااااالغت .. جوتي بويه المديرة .. معقولة ؟؟ هههههههههههههههههههه
رواااان : ايه تراااها بصفنا .. ولما كانو يهزبوها .. كنا انجوووف الموقف .. والله كل الإستاذااات ماسكااات ضحكتهن من ردة فعل أمل ..
قلتلها : شيطاااانة هاااي أمل .. ههههههههههههههههه .. أتمنى اجوف ويه المديرة بهاااك الوقت ههههه
روااان : عيل حضرتج .. احنا بالصف شلووون متحملينها .. لا تقوليلها كلمة ترد بعشرة .. عافانا الله من لسانها .. مادري من وين يايبتنه ..
حطيت إيدي على حلجها : اوهووو هب من صوت عندج ؟؟ خفي صووووتج .. ترااا في أحد ورااانا .. ما فينا على هوااااشه بهالحزة .. أبي صباحي يكمل على خير ..
روااان : اووو صج نسيت وجووود مناااال .. ذيل الست أمل ..
قلتلها بهمس :ههههههههه اش خفي ههههههههههههههه
ضحكت : ههههههههههههه ..
طالعتها .. لاحظت بقعة خضراااء في خدها : شنو بويهج .. جنه قلم ؟؟
رواان : الله يسلمج هاأخوووي الطفس الصغير .. حضرتي راقدة وما قصر .. حول ويهي لوحة فنية ..
ضحكت : ههههههههههههه .. أنا اصغر وحدة ما عندي ..
رواااان : حظظظظظظظج ..
قلتلها : لا .. أنا اتمنى بيوووم يكووون عندي أخ أو أخت .. أصغر مني .. يملي البيت ويقلبه من ممل لفووضى .. أحس بالفرااغ ..
روااان : أرجووووج .. انتي بس جربي خواااني وحشرتهم .. بيطلعولج قروووون ..
ضحكت : عادي داام اني بسمع حشرتهم اربع وعشرين ساااعة .. انتي تعاالي جوفي بيتنا شنو كبره وهو فوووول ملل .. ما حلو .. تحسين بطفش ..
روان : احسن لج .. يكفي انهم متخذين غرفتي ملعب لهم ..
ميس : ههههههه .. ها وصلنا للمدرسة .. خلينا ننزل
رواان : اوكي ..

نزلنها وودعتها .. وكل وحدة راااحت بطريقها .. اللي أعرفه عن روان رغم إنها هب قريبة مني واايد إنها عاايشة بروحها هي وأخوها العود واخوانها الصغارية بشقه من الشقة .. ووايد تعاني بعد طلاق امها وابوها وبعدها وفاة امها .. مالها حد غير اخوها اللي يكبر عنها بجم سنة .. ورغم إنها اتقول إنه ما مقصر معها شي من الفلوس إلا إنه ما تجوفه إلا الصبح ووقت متأخر من الليل .. يعني ساكنة بروحها وتصرف على عمرها وتعتمد على روحها .. أبدا ما توقعت إنها تعيش هالحالة إلا عقب ما يتني تصيح بيوم عن حالة البيت وانهارت عقبها اتطلع همومها .. ويمكن هالمعلومات .. الشي القليل اللي قدرت اطلعه من ثمها ..

لاحظت أيماان بوسط طريج صفي .. اتجنبت الطريج .. ورحت من طريج ثااني .. ما فينا على إحراااج منها من الصبح .. أذكر شنو كانت اتسويلي لما كانت بصفي .. الحمد لله نقلوها من صفي ..

دخلت الصف .. طالعوني البناات بنظرة .. وطنشوني وردو يكملو شغلهم .. حلا بعدها ما واااصلة ..
اليووووم شكله ما بندرس كثير .. أحسن .. ملينا من هالنكد ..

اليوم الثلاثاء .. بااااااجر أخر يوووووووووووووووم .. وتبدي الاجااازة .. بس لشو فرحانة يا حسرة .. ترا بنيدي مذاكر شو بعد ؟؟

سمعت صوتها وهي تدخل الصف ..

حلا : صبااااااااااااااااح الخير ..
قلتلها : صبااااااح النور
حلا تتدلع : اشلووووووووووونج .. حيااااتي ؟؟
ضحكت لانها قاعدة تقلد وحدة من البنات .. رديت عليها بنفس النبرة : تماااااااااااااااام عمري ..
حلا تتغنج وملينه صوتها علاخر : أمس حبيبي جابلي وردة .. وانا عطيته بوسة .. ( ترااها تمزح .. حلا ما عليها هالسوالف )
ضحكت من الخاااطر على نبرة صوتها : هههههههههه لايق عليج اتكوني ممثلة
شهد من ورااانا : أيوا مسودااات الويوووه .. اتقلدوووني ما عليكن ..
ضحكنا : هههههههههههههههههههههههههه
حلا بنفس نبرتها : سوري .. انتي بترمسين منو ؟؟
شهد : ما عليكن .. بوريكن
وانا قاعدو بزاوية أضحك عليهن .. :هههههههههههههههههههه
حلا : شو هالحكي ..عم بمزح ..
شهد : لا والله .. متخذتني مادة للسخرية ؟؟
حلا : فديتج .. تراااني أسووولف ..
شهد مبرطمه .. أونها زعلانة : مابى مابى .. ما عليج ..
حلا تلوي عليها : فديت الزعلانين ..
شهد نضحك : فديت اللي يفدووني ..
قلت بهمس : أحم أحم وانا وين رحت ؟؟
شهد : خذيت مكااانج .. وطلعت لساانها ..

كنت بالأول أنقهر من شهد لانها كانت دووووم تعيرني ودووم تحااول تفرق بيني انا وحلا .. تغااار من علاقتي وصداقتي من حلا .. بس أحينه تحااول تعدل من سلوكياتها .. وتقترب من حلا بطريقة غير مباااشرة .. وعلى شكل فكاااهي .. بس حلا أتطوفها .. وتخلي علاقتها معها محدودة ..

قلت بثقه : حلا .. ؟؟
حلا : لبيه ..
قلتلها : .. لبيه بمكه .. بتخلين هاي الحلوة تاخذ مكااني وانا أجووووووووووف
حلا بضحك " اليووووم بس .. هههههه
شهد تطلع لساانها أكثر .. ما شاء الله طويل .. : جفتي .. حلا تبيني .. يلا حلا خلا .. اليوووم ميس ماخذه إجاازة منج ..

وقامت تسحبها ..

ميس : نعم والله ..
وقمت من مكاااني وسحبت حلا .. حسينا بعمااارنا يهاااااااااااااااااال ..

وشهد تسحب حلا من الجهة الثانية
حلا : ايه فكوني ..هههههههههه ( عاجبنها الوضع المدااام حلا .. بس تراااني أعرف نية شهد .. تبيني أخذ أجازة من حلا بصدج .. )
وقفت حلا : هههههههههههههه ميس يلا نمشي هههه
شهد : ونا وين رحت ؟؟

طالعت حلا .. هاي شهد ما بتعديها على خير اليوووم .. الشر منا يوووم فتحنا سالفتها جداامها .. بس حلا ما تبي اتقولها شي يزعلها ..

حلا : انزين تعالي معنا ...
شهد : زين زين ..

قمنا واحنا نضحك ونسووولف .. كنت اتجنب نغزاات شهد .. بس يلا عالاقل ما ننزل لمستواها ..

شهد : حلا .. شو رايج تيين اليوووم عندي .. للبيت ؟؟

ما عليج شهدوووه .. جني ما موجووودة ينبج .. مصدقه رووووحج .. حلا ما بتفيسج كثير .. طالعت حلا بنظرة .. وفهمتني ..

حلا : أسفه عيوني .. ما اقدر .. اليوم عندي عزوومة ..
شهد : عيل بااااجر ؟؟
حلا : ولا باااااجر .. معي أشغااال كثيرة .. وثانيا ما بكووون بالبيت .. بكووون بيت أختي .. لازم نتجهز .. معنا سفرة ..
شهد بفضووول : وين ؟؟
اتكلمت بعد غيااااب طويل لصوتي : بتروووح العمرة .. وبرووووح معاااها .. ( كنت أجذب عساااس أقهر شهد وأسكتها )

طالعتني حلا .. وابتسمت ..

شهد : ما عزمتوووني عيل ..
حلا : ههههه افا عليج .. تبين تيي .. تعااالي محد مانعنج ..
ابتسمت : واليووم برووووح معها بيت أختها .. ترااا أهلي واهلها مخططين مع بعض عن طريجنا

جم ذنب كسبت اليوووم ما شاء الله علي من جذبااااتي الصغيرة ؟؟ ..

شهد : والله .. فلح التخطيط عيل ..

طاحت عيني على بنت خالي نايف ( ليلى .. 16 سنه ) ما بتعبرني كالعاده .. حتى لو جافتني .. بطوف .. حتى أنا عيل ما بسلم عليها .. المعامله بالمثل .. بالأول كنت بعدني أسلم عليها بس دحين صرت أطوف لانها اطوفني .. مدري لشنو رافعة راسها علينا .. تراااني بنت عمتها .. بس تزوووول .. فاضيه لها بعد ..


مسكت أذووني .. لانه الجرس يرن فوج روووسنا .. يلا عالطااابور ..
رحنا ووقفنا في صفوفنا .. كنا انسووولف .. ولا حااسين بعمارنا .. سمعت اسمي يعرضونه عالملأ .. ( ميس بنت سعووود أل ... ) .. شكله تكريم ..

حلا : ها اسمج .. طلعي يكرموووج .. طلعي ..

طلعت ونا عقلي ما معي .. خذيت شهااادة التقدير .. وحتي مادري بأي مااااادة .. حلو لما الواااحد يطالعج ونتي تكرمين .. شعور حلو يتملكج ..
ورديت لوين أنا وااااقفه .. وعااااد البنااااات .. أجوف .. أجوووف ..
وكرمو حلا بعد .. وكثير من بنااات صفنا .. عندنا بناااااات كثير مجتهدااات بصفنا .. وعاد وحليلي اطلع أوني شاطرة بدراستي ..
ردينا لصفوفنا بعد ما خلص التكريم .. كنت أنتظر الفسحة بفارغ الصبر .. وعقلي شااارد مب معي أبد ..



.................................................. .................................................. .....................................


ما صدقت روووحي لما خلص اليوووووم الدرااااسي .. رجعت مع دريول حلا .. لانه البااااص اتأخر علينا ..
ونا ما لي باااااااااارض اقعد أنتظر ..
داااخل السيااارة ..

حلا : مسرووور .. وقفنا بعد اشويه البقاااله .. زين
مسروور (الدريول) : اوكي ..
كنت أطااالع الدنيا من الدريشه .. اليوووم خليني أطلع مع مروة أو خالتي هند .. اشوية أغير جو عن المذاكره ..
حلا : ودي أنااام بس ما بقدر ..
قلتلها : عسااس العزومة ؟؟
هزت راسها : ايه

اشويه ووصلنا عند مدرسة أخوانها الصغااار .. سيف .. (4سنوات) .. ومؤيد .. (9سنوات)
اتريناهم .. ما اتريينا كثير .. لانهم كانو طالعين بدري ..

سيف يركب : هيه ميس ..
قلتله ونا أبوووسه : شخباااارك يالبطل .. كيف الروضه اليوووم .. شو سويتو ؟؟
سيف بفرح : اليوووم رسمنا أسد .. ارويج ؟؟
هزيت راسي .. : ايه ابي ..
حلا تهزب أخوها : مؤيد .. ما تسلم ؟؟
مؤيد بعالم بروحه : ها ..
حلا : سلم يالطفس ..
قلتله : شخبارك مؤيد ؟؟
مؤيد : بسم الله من وين طلعتي ؟؟ متى ؟؟ ييتي ؟؟
ضحكت : من بطن أمي ههه شخباارك ؟؟ شلون المدرسه ؟؟
مؤيد : بخير .. والمدرسه خاايسه .. ونتي ؟؟
قلتله : تمااام ..
مؤيد : مسرور وين لعبتي ؟؟
حلا : ما تشبع انت من هاللعب ؟؟
مؤيد : لا ..
سيف : ميس .. جوفي رسمتي ..
مسكت الورقه : الله .. اسد قوي مثلك .. انت رسمتها ؟؟
سيف يهز راسه : ايه ..
قلتله : كثير حلوة ..
سيف : وجوفي هاي بعد .. ارنب
بست بخده : حلوة .. تعرف ترسم زين .. بعدين علمني كييف ارسم .. زين ؟؟
سيف يهز رااسه : زين .. تعااالي بعدين البيت وبعلمج ..
ضحكت جوف العيارة : ههههه زين ..
حلا : تبين شي من البقاله ميس ؟؟
هزيت رااسي بمعنى لا : لا ما ابي ..
حلا : بيي بعد اشويه ..
قلتلها : خذي راحتج ..

قعدت انتظرهم .. انا ومؤيد دااخل السياااره .. اشويه ودخلو ..
سيف : جوفي اشتريت حلاوه ..
قلتله : تهنى ..
حلا : متأكده ما تبين شي ؟؟
رديت : ايه ..

تحرك بينا مسرووووووووور .. ووصلوني للبيت .. نزلت بعد ما ودعتهم ..
سيف : تعاالي معانا ..
بسته : ما اقدر .. مره ثاانيه اوكي ؟؟
هز راسه : اوكي ..

وراااحو .. دخلت البيت .. لقيت أمايه تهاااوش سيتي .. سلمت بصوت عالي .. عساااس يتبينو اني موجودة ..
: السلام عليكم ..
امايه : عليكم السلام ..
بستها براااسها : شخبارج يالغاليه ؟؟
امايه : بخير .. يلا سيري غيري ثيااابج .. ونتريااااج ..
سألتها ونا رايحه بطريجي : مشاري يا ؟؟
امي : ايه .. يلا سيري قبل لا يحرج عليج ..

غيرت ثيااابي بسرعة .. وحطيت موبااايلي بالجراااجه .. هاي مروة متصله .. شلون متصله علي بهالوقت ؟؟ تدري اني بكووون بالمدرسه .. اتصلت عليها ..

سمعت صوتها : الووووو
قلتلها : مرحبا بالساااع
مروة : مرحبتين .. شخباااارج ؟؟
انسدحت عالشبريه : تمااااااامو .. ونتي
مروة : دووووووووووووووووم مو اليوووووووم .. والله انا بخير ونعمه ..
ميس : غايبه اليووووم ؟؟
مروة : ايه .. شنو أسوي بالمدرسه ؟؟ لا دراااسه ونص البنات غايبااات
ميس : اهااااا
مروة : ونتي رحتي ؟؟
رديت : ايه ..
مروة: إلا أقول شنو رااايج اليووووم نطلع نتعشى مع بعض ؟؟ وهندووووه معنا ؟؟
قعدت أفكر : زين زين ترااااااني حاسه بملل .. يصير خير .. خليني أشاور اللي عندي ..
مروة : اذا ما وافق مشاااري بذبحه .. تراااني بالغصب خليت راااشد يوااافق ..
ضحكت : خليه يسمعج .. بيرفض قهر لج .. بس من بياخذنا ؟؟
مروة : نجوووووووووووف يا اخووووج يا أخوووووووي .. بجووووووووف أخوووي اذا بياخذنا ..
ميس : خليني بالأول اجوف اذا بيوافقو ..
مروة : اوكي .. اذا صار .. اتصلي بهندووووووه وخبريها ..
قلتلها: ان شاء الله ..
مروة : غيرت قصة شعري ..
ميس : زين زين .. أي قصه ؟؟
مروة : اخليها مفاجأه .. بس كثير طلعت حلوة ..
ميس : عيل فيج نذااله .. متى قصيتي ؟؟
مروة : اليووووم .. رحت لصالون مدحولي اياه .. وجربت معهم .. بس كثير طلع روعه ..
ميس : زين زين .. حلو .. المهم يكووون طالع عليج حلو ..
مروه : جربي معهم قصه جديدة ؟؟
قلتلها : لا ما احب قصاات كثير .. احبه يكوووووووووون طويل ..
مروة : براااااحتج ..

سمعت دق الباااااب

قلت لمروة : لحظة مروة .. برد بعد اشويه
مروة: تيك يور تايم ..
وقفت عند البااااب : منو ؟؟
سمعت صووت وحده من البشكارااات : مدااام .. غدا جاااهز ..
نسيت عمري .. اكيد يتريوووني .. ما فينا على حشرة مشااري دحينا .. : تو بيي .. خبريهم يبديو قبلي ..
حطيت الموبااايل بأذني : هلا مروة .. بتصل فيج عقب ساااعه .. تراااهم يتريوووني عالغدا ..
مروة : اوكي .. يلا فأمااان الله
ميس : مع السلامه .. سلمي عاللي عندج ؟؟
مروة : يوصل ونتي بعد .. سلمي على أمج .. واحسله مشااااري يواااافق .. احسله ..
ضحكت : هههههه يوصل .. بااااي

سكرت عنها .. غيرت ثيااابي بسرعة .. زين اني اليوووم مصليه بالمدرسه .. يلا .. الغرفه حر بشغل المكيف عساااس اتكوووووون بااارده من أرد .. شغلت المكيف .. ونزلت تحت ابسررررررررررررررررعه

__________________________________________________ __________

>>>> الرد الخامس :

سلمت : السلام عليكم ..
مشاري وأمي : وعليكم السلام ..
قلتلهم : سوري عالتأخير ..
أماياه : خذيلج صحن وقعدي ..
قلتلهم : تسلم عليكم مروة .. اتصلت من شويه ..
أمي ومشاااري : الله يسلمها ..
أمي : يما بعد الغدا عالعصر جذي .. بنروووح بيت خالك نايف .. فضيحة من زمااان ما رحنا معهم .. وودي أسلم على اماااايه ..

حسيت بالقهر ما واااااايد أحب أروووح معهم .. بس غالبا انروووح نجووووووووف يدوووووووه .. الوحيدة اللي بعدني بيلس معها نووف ( زين بعد لاقيه صحبه ) .. وليلوه ما ادانيها .. اطوفني كثير .. وشيماء ما أدانيها أبدا أبدا .. بس تتخذني للمصااالح عساااس تتقرب لمشاااري .. بس يالله .. ما حلوة بعد نقطعهم .. بيظلو أهلنا ..

رديت : ان شاء الله يما ..عالساعة جم ؟؟
أمي : بعد صلاة العصر .. ألقاااج جاهزة ..
قلتلها : ونا أرفع اللقمه : اماايه .. مروة متصله تبيني أطلع ويااها هي وخالوه هند نتعشى بمطعم قريب ..
ومشاااري : والمطلوووب ؟؟
قلتله : طلبين .. يالغاالي ..
مشاري : سمي
قلت : سم الله عدوك .. ابيك اتودينا وتسمحلي اروووح وياااهم ..
مشااري : انزين .. ما طلبتي يالغااااليه ..
قلت : مشكووووور .. يا انت يا راااشد بيااخذنا ..
مشاري : انزين ..
أمي : روحي يما .. مثل ما تبغين .. مروة ما بتجوفيها باااجر .. روحي قضي وقت معها ..
قمت وبست راسها : يعلني ما أذوق حزنج يما ..
مشااري : عطيني خبر بالمخطط بعدين .. بروووووووووووح ارقد ..
امايه : روح ريح .. ميس .. ناوليني دواااي وجلاص مااااااي
هزيت راااسي : ان شاء الله ..

قمت يبت دواها .. ( دواء القلب .. امايه عندها القلب ضعيف من زمااان .. فتشرب أدويه داايما )

ناولتها الدواء .. وشربتها جلاص المااااي ..

امايه : احسنتي .. يلا بعد الصلاه القاااج جااهزة ..
هزيت راااسي : ان شاء الله ..

خلصت أكلي ولميت السفره .. ورحت لدااااااااااااااااري .. فتحت شعري ورفعته اشويه .. لانه مضااايقني .. عالحرااااره .. مسكت الموبااايل .. ودقيت عرقم هند ..

( هند هاااي اتكوووون خالتي خت امااايه .. اخر العنقوود .. اصغر وحده .. أكبر عني بسنه .. فاعتبرها شرااااات أختي .. حتى انها سكنت ويانا من بعد ما توفى يدي الله يرحمه .. واتنقلت يدووووووووه عند خالي ناايف .. وهاااي السنه اتزوجت ..

وما عندي غير خاله وحده اللي هيه هند وثلاث من الخوال .. واحد خالي ناااايف وواحد خاالي ذياااب اللي مساافر لأستراااليا يكمل درااسته بالهندسه .. يعني ما نجوفه بالكثير .. وخالي طلال اللي كنت حاسبه انه ميت ومتوفي بس طلع حي عااايش .. شودرااني بيه إذا ما كنا نسمع عنه خبر .. )

انتظرتها لين ما ردتخالوه هند :الوووووووووو
قلتها : هلوييييييين ..هلا وغلا براعي هالصوووووووووت الزيـــــــــن ..
هند : هلا فيج وزوووود .. اشلووونج ميسووووووووووه ..
رديت : تماااااااااااااام يسر الحاااااااااااال ونتي ؟؟
هند : الحمد لله بخير ..
ميس : الا أقووول ..
هند : رمسي ..
ميس : ترااا ناوين نطلع اليوووم ربااااعه ..
هند : وين ؟؟
جاوبتها : عشى برااااه ..أي مطعم بعدنا ما محددين .. بنمر عليج ..
هند : من ومن ؟؟
ميس : انا ومروة وواحد من خوااانا .. ويمكن اثنيناتهم ..
هند : اوكي ولا يمج ..
قلتلها : بنمر عليج .. عالساااعه ثماان
هند : اوكي ..
سمعت اصوااات ..غريبه سألتها : انتي دحين بالبيت ؟؟
هند : لا .. انا دحين بيت أخوووي نوااف ..
قلت بسرعه : يا ويلج لو رمستي بكلمه حق شيماء .. ما فينا تتطلع معنا بعد ما تعرف انه مشاااري معنا ..
ضحكت : هههههههه مدري شو عليج منها .. ليش ما اداانيهم ؟؟
قلتلها : هم يطوفوني ونا أعامل بالمثل .. بس نووووف غير .. خبريها تطلع ويانا .. بس بدووون ما يعرفو خواااتها .. لو عرفن .. ما بنمر عليج ..
هند : ههههههه ان شااء الله ..
ميس: بنيي معكم عقب صلاة العصر ..
هند : اهاااااا .. اوكي نترياااكم .. تعالو ترااا أمااايه تنشد عنكم انتي ومشاااري ..
ميس : ترااانا اليوووم بنيي ..
هند : بسكر عنج .. قاعدين نتغدا ..
ميس : اهااا اوكي ..سلمي ..
هند : يوصل ..
ميس : يلا بحفظ الرحمن
هند : بااااااااااي

سكرت عنها .. فريت عمري بالشبريه .. اااااااااااااااااااه صارت الغرفه بااااااااااااارده .. يا فبااالي ليلووووووه .. دووووم نتجااااتل .. وبيني وبينكم .. أحس ليلى ما أدانيني بسبب سالفة متعلقه براااشد .. مدري .. بس نوف خبرتني بيوووم انها تجاتلني بسبب رااشد .. وشيمااااء .. ما فاضيه غير ترمسني عن السيد مشاااري .. اشلوون يمشي واشلووون ياااكل .. واشلوووون يتكلم .. ما جني أخته وأعرفه .. طايرة فيه مرررررررررررة .. يامى ويامى كاان يفيسها .. بس دحين .. ولا حتى معطنها ويه ..