عنوان الموضوع : سؤال/الحلفان الكاذب و....... ! لفتات الامارات
مقدم من طرف منتديات الضمير العربي

السلام عليكم
طبعا كلنا نعرف انه حرام نحلف كذب
وحرام نحلف بأي شي..
وان اللي يحلف كذب له عقابه..

بس الي اباا اعرفه
في ناس يقولون... (تراني حلفت.. مابحلف كذب.. عندي يهال)
أو
‏(مابحلف عندي يهال)

اللي ابا اعرفه شو يخص العيال فحلفان الاهل؟ يضرهم!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلآم ..

هذآ التلآعب بالحلفآن للمصدقية الشخص نفسه
والمقصد من ذلك تصديقهم .. قديمه الحلفآن \ بالبشر ..
واليديد الحلف بالجذب وإيدهم على القرآن الكريم ..


__________________________________________________ __________

>>>> الرد الثاني :
الله يستر علينا من هذا الشي

أختي الحلف بالكذب

سواء عندنا عيال أو ما عندنا

يتم غلط وشي كبير

__________________________________________________ __________

>>>> الرد الثالث :
الناس صارت تتهاون كثير بالحلف .,.

اعرف وحدة مستعدة تحلف بالله كذب وما همها .,.
لكن لو قلتيلها احلفي براس عيالج ,., بتخاف ومستحيل تسويها .,.

استغفر الله العظيم .,. استغرب من خوفهم على عيالهم يصيبهم شي دنيوي.,.
ولا يخافون عذاب الله في الاخرة اللي هو اشد من كل بلاءات الدنيا ومصايبها .,.

الله يهديهم ويصلحهم .,.،،

__________________________________________________ __________

>>>> الرد الرابع :
لا! انا ماقصد انهم يحلفون براس عيالهم < والله ادري انه حرااااام... لا تاكلوني

يعني هم يحلفون بالله.. وان شككتي فيهم قالولج.. ترى عندي عيال انا مابحلف جذب.. عشان مايصير فيهم شي..

__________________________________________________ __________

>>>> الرد الخامس :
احس الواحد يقول جيه من الخوف اولا من رب العالمين ومن الخوف ع العيال

لانهم ان جذبوا الله بيعاقبهم ع جذبهم فعيالهم وبالفعل سبحان الله استوت عندنا وايد

وحتى النذر تعرفين وحده من الاهل انسانه قمه فالطيبه والكل يحبها انسانه ماخصها فالناس

وفجأة تمو عيالها واحد ورا الثانيه يتوفون وحتى ريلها توفا وياهم وقالهم واحد من المطاوعه هذا عقاب

من الله لانها نذرت وما اوفت بنذرها لكن الحرمه ما تتذكر بشو نذرت اصلا

سبحان الله