عنوان الموضوع : والله اني مضايقه وايد الفتاة المسلمة
مقدم من طرف منتديات الضمير العربي

السلام عليكم ورحمة الله وبركاته ..

شخباركم حبايبي؟؟


بقولكم موضوع والله وااااااااااااايد مضااايقه منه ووايد افكر ..

الله يسلمكم ويعافيكم أنا من فتره اشتغلت ومن قبل ما اشتغل كنت ناويه اني أول ما اشتغل أكفل يتيم لأني أبا أكون مع الرسول ف الجنه وغير اني ابا اموري تتيسر ..المهم اول ما اشتغلت كفلت يتييم ..وكانت معاي بنت خالتي ..وقلتلها ما تخبر حد ..

المهم وانااا مستااااانسه وفرحااااااااااااااااااانه واااايد وااااااااااااااايد لأني سويت اللي اباه وكفلت يتيم وهي بنيه .. وانا من الوناسه قلت حق خواتي الثنتين .. قلتلهم صار عندي بنيه وجي وقلتلهم اني كفلت ... وقلت حق امي عسب تكون عارفه وجي ...وعشان مع الأيام لو ابا اطرش شي او لا سمح الله هي يت البلاد امي تكون عارفه وعسب تساعدني ف بعض الأمور ..<< طبعاً مب المصرف

وقلت حق 2 من ربيعاتي والله مب عشان اني اتفاااخر والا شي بس لأني أباهم يسوون شراتي وعشان حياتهم تتغير للأحسن ..

وخبرتني حرمة اخوي ان مب زين اقول حق حد ..ومن ساعتها وانا مضاااااااااااااااااااااايقه واقول ربي بيعاقبني وما بيعطيني أجر ع اللي سويته ..

وانا والله والله مب قصدي شي ..حتى على طول قلت حق امي لا تخبرين حد ..ولين الحين افكر واحاتي أن اللي سويته حرام وما باخذ أجر ..

ف حد يقول لي اللي انا سويته غلط ؟؟ وما باخذ أجره ؟؟

مع ان مب قصدي شي غلط ..بس وربي فرحانه جنه عندي بنيه

قولووووووووووولي ..ابي ارتاااح والله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فديتج الله ياجرج عالنيه


انتي شو كانت نيتج بالظبط

اللي فهمته من كلامج ان نيتج ان تشجعين ربيعاتج يسوون شراتج وهذا بالعكس خير انج تشجعينهم على هالشي


يعني مب رياء وشوفو تراني سويت جذه وجذه


وعطاري هلج انتي قلتي تبينهم يساعدونج وتستاذنينهم وجذه ان اشوف ان مافيها شي

في اهالي لازم اي شي تسوينه يكون عندهم علم


بس انتي نيتج مب التشهير

لا تحاتين حبيبتي ^^

__________________________________________________ __________

>>>> الرد الثاني :
حبيبتي مادام نيتج في سبيل الله لا تحاتين

إن شاء الله ماراح ينقص من أجرج شي

حلو انج تشجعين غيرج يتبنى بعد

لا تحاتين اختي الله كريم =)

__________________________________________________ __________

>>>> الرد الثالث :
ربي يوفقج ويرزقج الجنه

تاكدي انما الاعمال بالنيات ..

انتي والحمدلله نيتج تشجعين ربيعاتج

وان شالله في ميزان حسناتج يااااااااااااااااااااربي ^^


لاتتضايجين واستانسي ويزاج الجنه ختيه ^.^

__________________________________________________ __________

>>>> الرد الرابع :
اختي مدام ان نيتج لوجه الله ,,, لا تحاتين الله الوحيد يعرف شو فالقلوب

و انتي نبهي على ربيعاتج و خواتج مايخبرون حد ,,, و نحن بعد درينا انج كفلتي بنيه

مابنطري الموضوع عند أي حد ,,,

ارتاحي الغاليه و ادعي الله يسامحج ,,,

__________________________________________________ __________

>>>> الرد الخامس :
انآ حسيت من كلامج ان نيتج زينة ومب كآن قصدج تتفآخرين ^.^
أنمآ الأعمال بالنيات^^
يعني هآلشي من دون قصد =) ..
و من آلفرحة حبـيتّـي غيرج يشآركونج هالفرحة .. =)
آلله يعطيج على قد نيتج ويرزقنآ جميعآً الخير ..