عنوان الموضوع : افكار جديده للصدقات شاركينا ولكي اجر من يقوم بها فقه الاسلام
مقدم من طرف منتديات الضمير العربي

السلام عليكم ورحمة الله وبركاته

بنات شو رايكم انخصص هذه الصفحه لافكار جديده تساعدنا على الصدقه

وكلنا نعرف اجر الصدقات عند الله عظيم جدا بس مش كلنا قادر على بناء المساجد والابار وغيرها لان مش كلنا قادر ماديا على الموضوع هذا

فحبيت ان نخصص هذي الصفحه وكل وحده تدخل تحط فكره بسيطه لصدقه ممكن اي شخص يسويها وباذن الله راح تكون في ميزان حسناتها


مثلا :-

شراء كراسي ووضعها في المسجد كوقف
تساعد وايد المرضى او كبار السن في اداء فريضة الصلاه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
موضوعج وايد حلو
انا عن نفسي عندي حصلاه و كل يوم احاول احط حتى لو درهم بس و آخر الشهر اوديه الجمعيه

__________________________________________________ __________

>>>> الرد الثاني :
وضع كراتين ماي داخل المسيد .. بمعدل 4 كراتين كل يومين أو على حسب كثر الناس للي تتوجه لهالمسيد في المنطقة .. ^^

__________________________________________________ __________

>>>> الرد الثالث :
ماشاااء الله عليج اختي ع المووضوع الجميل والمتبارك

عندي افكار للصدقه كثير مثلا..شراء العاب غير ممنوعه واعطاءها الاطفال المحتاجين
الملابس الي ماتريدينهم ويكونون زينات طبعا بعد التنظيف والكي والترتيب للاسر المحتاجه

توزيع المصاحف والكتيبات في المساجد وايضا المسابيح..

ثلاجة ماي عند الشارع وخاصه في الاماكن الي تتواجد فيها الاسر الفقيره

وان شااء الله افيدكم بالي اقدر عليه من افكـــــــــــــــــــــــــــار

__________________________________________________ __________

>>>> الرد الرابع :
موضوعش وايد حلو وفي ميزان حسناتج بس قبل ما نعطي الافكار مثلا اذا عندنا ملابس اطفال جديده وين انوديهم وكيف نوصل حق العوائل المحتاجه بصراحه من فترة قمت وخذيت ثياب عيالي اليديده وديته هيئة الاعمال ما تصدقون عندهم كم هائل من الثياب وحرام كله على بعضه والله اعلم اذا يوزعونه والا لا. فاحنا محتاجين اشخاص يدلونا على ناس فعلا محتاجه ويعطونا ارقامهم حتى اسماء المساجد من فترة لفيت اكثر من مسجد وما شاء الله كله متوفر فيه ثلاجات ماء بارده وكراسي ومصاحف بالهبل احنا محتاجين ناس متطوعه تبي الاجر يخبرونا بالاماكن المعينه وانشاء الله ما بنقصر

__________________________________________________ __________

>>>> الرد الخامس :
مشكووووووره على الموضوع الحلوووو ^^

مثال للصدقة: ( شراء بعض أغراض الجمعية وتوزيعها على المحتاجين)....