عنوان الموضوع : حصة مشاهدة
مقدم من طرف منتديات الضمير العربي

مرحبا خواتي ...بلييييز ساااعدوني ...عندي ان شاءالله حصة مشاااهدة الأسبووع الياي ...وابيكم اتساااعدوني ...اتكلم عن وحدة job بليزز ابي افكار واشياااء للصف السادس ..مدرسة نموووذجية... اللغة الانجليزية

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا أختي دهن العود 1998
عندي بعض الأفكار ممكن تفيدج :
اطبعي ورقة للبنات من الحين واطلبي منهم اييبون من بيوتهم بعض الأدوات من ألعاب خواتهم واخوانهم او ألعابهم أو بعض الدوات من بيتهم بس ماتكون حادة مثل السكاكين والمناشير
وتطلبين من كل وحده اتحط الأدوات في علب وممكن يستخدمن علب الأحذيه وانت بكرامه
وعلى أساس إنهمه اييبونهم يوم الدرس او قبله بيوم وتخلينهم عندج عشان ماتحاتينهم ينسونهم
وتختارين بعض الطالبات ويعرضون الأدوات اللي عندهم وتتكلم عن الأدوات وأسمائهم ومنو اللي يستخدمهم عشان يستنتجون الوظائف أو jobs
وإذا تخافين كلهم اييبون نفس الأدوات ممكن تشئلينهم وبعدين اتحددين لكل مجموعة 3 أو اربع بنات نوع من الأدوات عشان تكثر عندج المهن .

وممكن تاخذينهم رحلة هاليومين إلى ايس المحل المشهور بالأدوات وتصورينهم بالفيديو وصور فوتغرافية وتخلين البنات يمسكون الأدوات المختلفة وتعرضينهم على الكمبيوتر وتخلين البنات يسمون المهن

وأثناء الدرس تتفقين مع أي معلمة في وقت معين من الحصة اتخلي طالبة برع الصف طبعاً من شعبة ثانية ادق بالمطرقة أو أي صوت ثاني بحيث يسمعونه البنات وتسإلينهم شو هالصوت ومن خلال الصوت يتعرفون على المهنة .

وممكن بعد وحده ثانية ادق باب الصف وتكون لابسة لبس ساعي البريد قبعة وشنطة للرسايل وتبغي توصل رسالة لإحدى الطالبات وتسإلين البنات شو هذي المهنة ؟

وممكن بعد تمثلين انج تعبانه أو تتفقين ويا إحدى الطالبات في نص الحصة تتويع وكأنكم تتراكضون ادورون دكتور .

وممكن في نهاية الحصة تسغلين الطالبات عن أمنياتهم وشو يتمنون يصيرون يوم يكبرون من خلال ما تم عرضه في الحصة .
هذا اللي عندي الغالية الحين

__________________________________________________ __________

>>>> الرد الثاني :
مم اقريلهن قصه و من خلالها انتي كل مارمستي عن جوبز..تحطين صوره الشخصيه على اللوحه.. و عدالها المكان..و اسمه.... عقب قدمي الجوبز كلن باسمه و شو شغلته و وين يشتغل..بس طبعا ترومين تبدعين فيها ...و عقب عطي البنات puppetsمختلفه
... و عقب يدوب ان Hello I'm a doctor,,, what's your job?
Hi, I'm a teacher. Where do you work?
I work in a hospital. And you?
I work in a school.

هاي فكره بسيطه...ولي عوده انشالله ..ولو تبين اوراق عمل...نحن ف الخدمه خيتو

و السمووووووووحه

__________________________________________________ __________

>>>> الرد الثالث :
مشكووورات خواتي وما قصرتووا .................اذا ما عليكم امر وعندكم اوراااق عمل طرشلووولي ..وانا بسوي بعد ..لأن المديرة قالت تبا شي بسيط

__________________________________________________ __________

>>>> الرد الرابع :


__________________________________________________ __________

>>>> الرد الخامس :